فطيرة بالجبن وخبزة حوش تفضلوا**موضوع متميز**

aksachli

Administrator

تاريخ التسجيل: Dec 2014

المشاركات: 365533
- مشاركة
- تويت
#1

فطيرة بالجبن وخبزة حوش تفضلوا**موضوع متميز**

01-04-2015, 01:39 AM

عنوان الموضوع : فطيرة بالجبن وخبزة حوش تفضلوا**موضوع متميز**
مقدم من طرف منتديات أميرات

السلام عليكم

شن حالكم واخباركم حبيت نشارك معكم ويارب تعجبكم مشاركتى المتواضعة
اليوم عملت فطيرة بالجبن وخبزة حوش

طريقة الفطيرة

دقيق ابيض -- ماء للعجن -- ملح -- قطرات من الزيت -- (جبن فيتا مع رشة فلفل اسود وم ص هريسة عربية ورشة زعتر)اللىبين القوسين الحشو

نعجن المقادير مع بعض ونتحصل على عجينة طرية ونكورها ممكن دهن ايدك بالزيت لو كانت تلتصق ونتركها ترتاح مدة ربع ساعة
بعد مارتاحت ناخد قرص ونفردها باليد مع الدهن بالزيت وبعدين نرش عليها الجبن ثم نطبقها حتى تصبح مربعة ونعمل مع كل الاقراص ونتركها ترتاح 10 دقائق
نضع مقلاةعلى النار وناخد العجينة ونفردها حاجة بسيطة ونضعها فى المقلاة ونحمرها من الجهتين
وهذى الصور

>>>>> ردود الأعضـــــــــــــــــــاء على الموضوع <<<<<
==================================

طريقة خبزة الحوش

دقيق ابيض -- دقيق اسمر --ملح -- خميرة --ماء دافئ -- شوية سكر -- قليل من الزيت -- حليب

طبعا تحطى الخميرة فى شوية ماء دافئ وشوية سكر وتخليها حوالى 10 دقائق بعدين تعجنى كل المقادير لتتحصلى على عجينة طرية
تاخدى طاجين الخاص بالفرن ويدهن بقليل من الزيت وافردى فيه العجينة واتركيها تتخمر لمدة ساعة وبعدين تدهن بشوية حليب ورشى عليها سمسم وضعيها فى الفرن حتى تاخد اللون الذهبى
وصحتين وعافية جربوها روعة

__________________________________________________ __________

صحيتي اولا دكرتيني بالفطيره وخبزه الحوش واني الفطيره مش فالحه فيها كيف الحل توا
الصونيه كلها ليا مع طوسة شاهي امنعنعه

ماشاء الله شكلها اشهو بشكل

__________________________________________________ __________

كتبت بواسطة جنـ أم ــى
صحيتي اولا دكرتيني بالفطيره وخبزه الحوش واني الفطيره مش فالحه فيها كيف الحل توا
الصونيه كلها ليا مع طوسة شاهي امنعنعه

ماشاء الله شكلها اشهو بشكل

مرحبتين ام جنى مش انت الامورة غيرتى اسمك شن حالك وين غطستى
هيا ليك وصحتين وعافية ولانك اول وحدة تردى
الفطيرة ساهلة غير تبى وسعة البال ومشكورة على التشجيع

__________________________________________________ __________

مشاء الله عليك يابنت عمي
تسلمتي هل الايدين
والله اني مدمنت فطيرها هههههههههههه تعرفي لم تجي في خاطر زوجي يقولي نوضي ديرهلي نوض علي طول فيسع فيسع زي المرا الفالحه هههههههههه والله تعلمتها ومنخدش وقت فيها حتي الفطير امتع المغرب والجزايرين مشاء الله وخاصه لي بسميد ه يمي يمي وهادي شكلها شوفيها واعطي رايك فيها وقلوليلي وندير فيهاهي والخبزةالحوش اني منشريش فيها الخبز الا توست لي بناتي والباقي كولها سلم ايديا هههههههههههه وحيت عينها

__________________________________________________ __________

كتبت بواسطة جباليه

مشاء الله عليك يابنت عمي
تسلمتي هل الايدين
والله اني مدمنت فطيرها هههههههههههه تعرفي لم تجي في خاطر زوجي يقولي نوضي ديرهلي نوض علي طول فيسع فيسع زي المرا الفالحه هههههههههه والله تعلمتها ومنخدش وقت فيها حتي الفطير امتع المغرب والجزايرين مشاء الله وخاصه لي بسميد ه يمي يمي وهادي شكلها شوفيها واعطي رايك فيها وقلوليلي وندير فيهاهي والخبزةالحوش اني منشريش فيها الخبز الا توست لي بناتي والباقي كولها سلم ايديا هههههههههههه وحيت عينها

لالالالا عاد هكى توا بتنافسينى والبنات بيردو عليك ههههههه نبصر عاد مش تحرجى
اولا شن حالك واحوالك ياهرابة
وتانيا مشكورة على الرد والتشجيع
وتالتا اكيد ماشاء الله عليك حتى انت فنانة المعجنات ويسلموا يديك رووووعة

ياسلام عليك يااحلى سوسو
تسلم ايدك تجنن ماشاء الله
تاكلي بالصحه والهناء ياااااااااااااااااااااااااااااااااارب
جباليه
الله يسلملي هالايدين فنانه ماشاء الله
الكلمات الدلالية (Tags): لا يوجد

إعـــــــلان

فطيرة بالجبن وخبزة حوش تفضلواموضوع متميز

فطيرة بالجبن وخبزة حوش تفضلواموضوع متميز