السلام عليكم

حبيت أعطيكم طريقة الفطيرة هذي جربتها أمس وكانت وايد حلوة وخفيفة حيل ..

مقاديرالعجينة
كاس ونصف دقيق -نصف كاس ماء (يفضل لو تخلين إضافة الماء آخر شي لمن تطرى معاك العجينة) - ربع كاس زيت- ربع كاس سكر-3ملاعق كبيره حليب بودره -بيضه -ملعقه بكنج بودر -ملعقه خميره - شوي فانيليا وملح.

يتم خلط المواد الجافة أولا ثم المواد السائلة ويفضل عدم صب الماء كليا .. يعني صبي وعجني وهكذا إلى أن تشوفين العجينة لينة وحلوة وخلي إيدك فيها زيت عند العجن ...
الحين تفردين العجينة في صينية الفرن اللي راح تخبزين فينها وتغطينها بنايلون وتتركينها تختمر لمدة ساعتين على الاقل ..

مقادير الحشوة
زعتر مطحون مع السمسم
اربع ملاعق كبيرة جبن كريم
ثلاث ملاعق مايونيز
بيضه
اربع ملاعق ماء
شوية ملح
تخلط المقادير جميعا ماعدا الزعتر جيدا بالملعقة والشوكة حتى تنسجم تماما ..

الحين تفتحين الفرن وتخلينه يسخن وبعدين تصبين الخلطة على العجينة وترشينها بالزعتر وتدخلينها الفرن ليما تستوي من تحت ومن الوجه بعد ... وبعدين شوفي الطعم يمـــــــــي

وسلامتكم

أفــــــا والله أفــــا يابنات ... والله ماهقيتها من عندكم ........ يعني 43 وحدة شافت الفطيرة ولا في حتى كلمة شكر أو يعطيك العافية [Automated by GetSmile] إنزين جاملوني على الاقل ... قولولي (الله وايد حلوة) تهبل بس كذي علشان ماتكسرون بخاطري
والله إنتو تحبطون بصراحة اللي مايتحبط

ما عاش من زعلك يا احلى عسولة
ويمكن الي دخلوا كلهم زائرين
يعطيك الف عافيه على الفطائر الطيبه

ياأحلى وسام في العالم [Automated by GetSmile]
مشكورة عيوني على الرد بصراحة الله يجبر بخاطرك ولايهيينك أبد .. على الاقل رفعتي معنوياتي شوي ..

ولو اختى لنا تونى اشوف طبقك لكن تسلم ايدك وانا افضل المجنات وراح اجربها قريبا
سلمت يداك .

مشكورة يا العسل ..........
فطيرة روعة ........ان شاء الله اسويها.........

ورقة ليمونة

الله يعافيك عيوني ويبعد عنك كل الشر