يسعد مساكم يارب
هاد الطبق شفته بمنتدى اخر للمبدعة ام ياسمينة وكتير عجبني
وسبق وام غيث عملته بملف بسكوت الشاي
وبنتي طبعا عملته باشرافي خلينا نشوف المقادير
صاحبة الوصفة الاصلية عملته بدون تعيير للمقادير بس انا عملته بمقادير ثابته منشان بنتي

كاسة بسكوت مطحون
ربع كاسة لوز مجروش
نص كاسة جوز هند
حليب محلى تقريبا ربع علبه
شوكولاتة بيضا تقريبا كاسة
جوز هند محمص للتزيين



اول اشي بنضيف البسكوت المطحون



بنضيف جوز الهند وبنحرك


بنضيف الحليب المحلى شوي شوي لحتى يتكون عنا عجينة قابلة للتشكيل
احنا نسينا نحط اللوز حطينا بعد ما صار عنا عجينة هههههه





بنشكل العجينة كرات
بنسيح الشوكولاتة على حمام مائي
طبعا ماصور الخطوات لانه بنتي الشيف قصدي حطت الشوكولاتة بالمايكروويف منشان تسيحها
طبعا شو صار انحرقت الشوكولاتة وصارت فحمة هههههه

بنغطس الحبات بالشوكولاتة وبنحطها على ورق وقبل ما تجمد بنغطسها بجوز الهند المحمص






طبعا الطعم خرافي وخصوصا مع فنجان قهوة