مترجمة من موقع اجنبى
ينسب الحق لأصحابه

و انا احب اوظف قدرتى على الترجمة فى افادة اخواتى


الجرانولا
دى عاملة زى السمسمية و السودانية و الحاجات دى
بس نوع فيه كذا حاجة
مفيدة جدا و حلوة للأطفال فى المدارس اوى
مافيهاش مواد حافظة ولا ملونات




2 كوب شوفان (كويكر)
كوب جوزهند مبشور
100 جرام لوز شرائح او مفروم خشن اوى
1/4 كوب بذور عباد شمس
1/4 كوب لب ابيض نى مش محمص
1/2 كوب مشمش مجفف
1/2 كوب زبيب مجفف
معلقة قرفة مطحونة
3 قطع زبدة الغرفة 2سم *2 سم فى درجة حرارة
2/3 كوب عسل نحل
1/4 كوب سكر و يفضل سكر بنى
رشة ملح
فانيليا

ملحوظة
ممكن تحطى اى نوع مكسرات غير محمصة بدل اللوز

الطريقة
______

سخنى الفرن ل 350

ادهنى صينية زيت و افردى ورق زبدة فيها

حمصى الجوز هند و اللوز و الشوفان لمدة 10 او 15 دقيقة

و قلبى من وقت للتانى عشان مايتحرقوش

اضيفيهم لباقى المكونات (البذور و الفواكه المجففف)

دوبى الزبدة و السكر و العسل و الفانيليا فى حلة ستانلس على النار
و سيبيهم يغلوا على نار هادئة
و لما يوصلوا لدرجة الغليان سيبيهم دقيقتين و بعدين طفى عليهم
صبيهم على خليط المكسرات و االفواكه

قلبى الخليط و صبيه فى الصينية اللى حضرتيها
و بططى الخليط بالراحة

اخبزيها من 20ل 25 دقيقة

شليها و برديها على رف سلك و خلى بالك حتبقى طرية

لما تبرد بعد ساعتين حاتكون جمدت
ساعتها تقطعيها
ممكن تحفظ طازجة لمدة اسبوع فى علب فى درجة حرارة الغرفة


لا تنسوا الدعاء

جزانا و اياكى يا قمر

تغريد يسلملى لسانك الذى دعا لى و لحبايبى