مرحبا حبيباتي هادا الحلا مشهور كتير بلبرازيل هو بيشبه الكريم كراميل الي عنا
لكن طعمو بجنن وازكى و فخم جدا اثناء التقديم للاسف ما عندي كميرا انزل الصور لكن هاي الطريئه وامنه جربوها ما حتندمو....


المقادير؟
3 بيضات
فنجانين سكر (بحجم فنجان القهوه)
ملعقه صغيره فانيلا
علبه حليب مركز محلى (نستله او اي نوع)
حليب سائل يوضع بنفس بمقدار علبة حليب المركز يعني بس اديري الحليب المركز بديرو بنفس العلبه حليب سائل ختى تكون المقدار صحيح

الصوص::
فنجانين سكر (بحجم فنجان القهوه)

الطريقه::
اولا نعمل الصوص سهل كتير
بنجيب قالب مفرغ من النص قالب كيك عادي وممكن نعملها بصينيه او اي ئالب لكن الئالب المفرغ بكون شكلها اكشخ
المهم بنحط في السكر و بنحركو على النار لحتى يسير السكر دايب
متل الصوص و لونه دهبي اكيد فاهمين عليي
و نوزعز في كا الئالب بتحريك الئالب بسير السكر يتوزع لحالو
تانيا :::
كل المقادير السابقه بنضيفها في خلاط كهربا لمدة دقيقتين حتي يتجانسو
بعدين بنديرها بلئالب فوئ السكر
وتالتا::
نضعها على عين الغاز مو الفرن بس يعني بنحطها بصينيه بحمام ماء على عين الغاز
و اهم خطوه بعد ما نحط الماء و نحط الئالب بلماء بنغطي الئالب بصينيه او اي غطى يسكر الئالب و نبل فوطه بماء و نضعها على الغطى
و فوئ الفوطه نحط شي تئيل لانو الئالب بس الماء تغلي حيسير يتحرك فلازم يكون
في شي تئيل فوئ لحتى يثبت الئالب
بضل على النار لمده ساعه وربع و كل شوي لازم نراقب الماء لحتى ما ينشف و نضلنا نضيف ماء كل ما نئص
بعد المده بنكشف عليها لازم يكون الخليط جامد و توضع بتلاجه 5 ساعات او ممكن لتاني يوم

عند القلب نمسك الئالب نضعو على النار هادئه لحتى يدوب السكر
ثم نقلبو و بنرجع ندخلو التلاجه نص ساعه

الطريئه جدا سهله ما بتاخد ائل من ربع ساعه شغل والبائي على النار بس انا شرحت بزبط الطريئه لانو ما في صور
و امانه الي جربت تحكيلي

تسلم الأياددي حبيتي

يسلموا ايديكى بس البودين انا لما طلبت البودين جابوا لى مارينج مع كريم فرىش و بلح رطب و فستق و كراميل و كان طعمة روعة مالقيتش طريقتة على النت فجربتة بنفسى لغاية ما ظبط معايا. المهم ان البودين بتاعك شكلة حيطلع حلو و لازم اجربة

هل تلفظ بودينغ كمان ولا بس بودين

تسلم الأيادي على الوصفة

السلام عليكم ورحمة الله وبركاته

تسلم ايديك ..... بارك الله فيك

تسلمين عزيزتي على الوصفه الرائعه

حبيتي عاشقة الحلويات الوصفه الي عندك هاد حلا تاني
هاد حلا برازيلي هيك طريئتو بس كتير زاكي اتمنى تجربي ما بياخد وئت