على قولت ولد اختي(سلبون) اقولوا يا ولدي سنبون يقلي سلبون و يشد على الباء
المقادير:
العجينه:
3 كاسات دقيق
رشة ملح رشة سكر
ملعقتين خميره فوريه
تقريبا نصف كاسة زيت زيتون <<و بالاصلي تطلع العجينه خرافه..
و كاسة لبن شرب او علبة لبن زبادي ...
الحشوه:
قرفه مطحونه +سكر ناعم
الصوص 1:
حليب جاموس +شوية قرفه و سكر<<انا حطيت هنا الباقي من الحشوه
الصوص2:
مارس +قشطه
الطريقه:
بعد ما نعجن العجينه و نخليها ترتاح .... نقسمها تلاته اقسام
نفردها على تبسي (بالنشابه او الفراده ) الين ما تسير على قد التبسي و السمك لا تكون مررره سميكه لانها رح تنفش في الفرن ...

ندهن شوية حليب+ماء<<عشان تلصق الحشوه
و نرش فوقها الحشوه ...
بعد كدا نلفها بالطول (عشان تسير الحبات صغيره و ما تكون بالمره كبيره )

و نقصها بالسكين دوائر ما تكون عريضة و لا سخيفه مررره :

نحطها في الفرن الحار من تحت اول و بعدين من فوق
لا تخلوها مررره كتير لانو رح تنحرق بسرعه لانها خفيفه..

و دي بالصوص رقم واحد:

و دي بالصوص رقم 2:

و بالصوص اللي بالمارس اطعم ....
و طبعا دي الكميه لا تنفجعوا عليا سويتها في بيت اهلي و ارسلنا لكل البيوت اللي نعرفها لانو بالمره عجبتنا الا ولد اختي هههههههههههههههههه
اللي من بداية الشغل و هوا يقول : ايش دا؟؟
و انا اقلوا سنبون و هو يقلي سلبون
و بالعافيه ان شاء الله تسوووها ترى و لا حتى تقلب المطبخ

تسلم ايدك
بس ياريت لو تكبرى الصور لانها مش واضحه

يعطيك العافية
طبق كتير حلو وسهل
وعلى قولتك مابيقلب المطبخ

تسلم ايديكي

يعطيكى الف عافية
تسلم الايادددددددى

ممكن تكبري الصوت لنشوف منيح

يسلموا ايديكي حبيبتي مبينة حلوة كتير

رووووعة الله يعطيك العافيه