السلام عليكم ورحمه الله وبركاته
انا عايزة اعرف طريقة المفتقه بالطريقه المصرية الى بتتكون من العسل الاسود والسمسم وحبه البركه والمغاط
الله يكرمك بسرعة علشان بتوحم

بسم اله الرحمن الرحيم
يا هلا فيكي اختي
شوفي انا بعرف طريقة المتقة مع الارز والطحينة والقرفة
بس راح دور على طريقة المفتقة المصرية اذا بلاقيها

بسم الله الرحمن الرحيم
اختى الفاضلة اتمنى انى افيدك بطريقتى طبعا انا مصرية بس لا بطيق ريحة المفتقة
ولا بطيق اسمع اسمها بس عشان خاطر عيونك هكتبلك الطريقة عشان للاسف الشديد
كنت بتوحم عليها وانا فى حملى الاول وجارتى عملتها امامى وكل ما افتكر انى اتوحمت فى
يوم من الايام على المفتقة اضحك على نفسى بس الحمد لله واضح ان بنتى كانت وهى فى بطنى حسة انك
هتطلبى الطريقة فى يوم من الايام طبعا طولت عليكلى انا اسفة نبدا

الطريقة
كيلو عسل اسود
نصف كوب حلبة مطحونة طحن ناعم جدا جدا + 2 ملعقة كبيرة دقيق +
كوب صغير زيت عادى ويفضل زيت نقى + نصف كوب سمسم محمص + كوب سودانى مكسر فقط


الطريقة


ضعي العسل في وعاء
و ضعيه علي النار حتي تظهر فقاقيع طبعا مع التقليب ولا تتركية يغلى واخترسى من طرطشة الفقاقيع لان
اعوذ بالله لسعتها فظيعة جدا ويفضل عدم وجود اطفال معكى بالمطبخ
احضري الحلبة المطحونة و ضعيها
علي العسل وقلبيهم جدا ليمتزجوا وضعيها على النار مرة اخرى
وبمجرد ظهور الفقاقيع ابعدى الوعاء عن النار بسرعة لان كثرة الغليان يمررها وينشفها
في اناء اخر ضعي الزيت + الدقيق وقلبيهم ليصبح لونة اشقر فاتح ثم ضعي السمسم
والسوداني ليشقر لونهم ايضا لا تحمريهم كثيرا في الزيت
ضعي خليط الزيت والدقيق و السمسم و السوداني علي خليط العسل وقلبيهم جيدا جدا
و اتركي الحلبة المعقودة لتبرد احضرى برطمانات زجاجية وعقميهم على هبو النار واتركيهم ينشفوا
حتى لاتفسد المفتقة وصبيها فى البرطمانات
واخير تستخدم مثل المربى اما سندويتش او تؤكل بالعيش او التوست او او او

و ربنا يقويكى على المفتقة وبالف هنا


اختك فى الله كركر المصرية ام ايمن

بسم الله الرحمن الرحيم
الف مبروك نوسه على الحمل انا ديما باعملها فى الشتاء بس دلوقتى مش باكل منها علشان الرجيم طبعا شوفى حبيبتى اعمليها بس نصيحه متكتريش من اكلها علشان الجنين ما يزدش كتير يعنى ممكن تكليها مره فى الاسبوع مثلا
المقادير


2ملعه كبيره مغات -2ملعه كبيره حلبه مطحونه -100جرام سمسم ربع كيلو سمن بلدى ويستحسن بقرى ملعقه صغيره حبه البركه -كيلو عسل اسود

الطريقه

يسخن السمن على النار ويحمص فيه السمسم والمكسرات ثم توضع الحلبه والمغات وتحمر فى السمن تحمير خفيف
ويوضع العسل وتترك تغلى مع التقليب المستمروتوضع حبه البركه وتقلب حتى يغلظ قليلا ثم ترفع من النار وتوضع فى برطمنات
وبالشفاء حبيبتى ويارب يتمم حملك على كل خير

جزيتم خيرا...