السلام عليكم ورحمة الله وبركاته
اخواتى هدا حيكون فيه شوى حلويات من ليبيا بس منقدرش نوعدكم بالصور لكل نوع انشاءالله الاستفاده
مغتربه هدا اول نوع درته فى العيد واللى فى الصوره هدا الى لحقت عليه بيش تشفوه وانشاءالله كل مره نكتب نوع


.....غريبة القرفه بالزبيب......
المقادير:
كوب زبده تكون ناعمه
كوب زيت
بييضتين
فانيلا
كوب سكر ناعم
كوب زبيب
ملعقه صغيره قرفه
ملعقه بيكنج بودر
دقيق حلويات
سكر خشن للزيته
الطريقه:
نضرب البيض مع السكر والفانيلا على الخفيف حتى يمتزج مع بعضه ثم نضيف الزبد ونمزجها جيدا بالخليط الاول
ثم الزيت ثم نضيف القرفه والبيكنج بودر مع الدقيق(بالنسبه لكمية الدقيق حوالى ثلاث اكواب يعنى عينك مقدارك حتى تصبح زى الغريبه العاديه مش يابسه ومش رطبه)
اما الزبيب انا افضل انك ماتحطيه من الاول بيش مايتعبك وانتى بتعمليا كويرات يعنى لما تاخدى العجينه احشيها ثلاث حبات زبيب وزينها بعمل خطواط بالسكين بالطول والعرض وحطى عليها او غمسيها من فوق بس بالسكر الخشن
وهدى الصوره

تسلم ايديكي يا مصراته على هالحلو شكله لذيييذ و يعطيكي العافية

السلام عليكم ورحمة الله وبركاته
مشكوره اختى ام مودى انتى الوحيده الى جبرتى بالخاطر الباقيه شورا معجبهمش الحلو مش مشكله هدا شكل تانى
وانشاءالله يعجبكم

نجمة الجلجلان(السمسم)
المقادير::
2كوب زبده
كوب ماءعطر اويمكن تخليطه بماء مع ماء عطر
بيضه
كوب جلجلان محمص
فانيلا
القليل القليل من البيكنج بودر
دقيق حوالى من اربع الى خمس اكواب على حسب نوع الدقيق بحيث العجينه يسهل فردها
شربات
الحشوه:
تكون شاميه (حلوة طحينه)او مكسرات محمصه ومجروشه مع زبيب وشويه عسل اومكسرات مع سكروشويه ماء ورد
يمكن للزينه جوز هند

الطريقه ::
بعد تدويب الزبده نضيف البيضه والفانيلا ثم كوب الماء ثم الجلجلان والدقيق مع البيكنج بودرنعجن الكل حتى يصبح عندنا عجينه يمكن فردها بالنشابه ونقطعها دوائر و نحشيه بالحشوه ونجمع اطراف الدائره حتى يتكون لنا نجمه او هرم انشاءالله الفكره وصلت ونخبزها فى الفرن حتى تتحمر شويه
تكون الشربات جاهزه نغطسها فيها وتقدم مع القهوه
صحه وهنا

السلام عليكم ورحمة الله وبركاته السلام عليكم ورحمة الله وبركاته جزاك الله خيرا على الانواع الشهية وانشاءالله رح أجربها بس يي ليت تعطينا طريقة البقلاوة الليبيه لانها من أروع الحلويات اللي ذقتها..ولك جزيل الشكر

اختى ام البنات مشكوره على كلامك الطيب
اختى مرح مرح تسلمى على المرور بس والله طريقة البقلاوه منعرفهاش بس نحاول نسألك عليها لان بنشتريها جاهزه من المحلات من غير تعب

اختى بنت طرابلس مرحبتين بيك
اختى لبلبه مشكوره على مرورك وبالنسبه لاسمى مصراته لكن مش مشكله مغتربه ولا مصراته كلنا ليبيات والهدف واحد اكلات من ليبيا