السلام عليكم ورحمة الله وبركاته،،،

شو رأيكم بكنافتي؟؟ هاي طريقة منال شفتها على قناة الرسالة .. وهاي أول مرة بعمل كنافة خشنة.. بس ها .. كيف؟؟



نخش على المقادير والطريقة..

المقادير:

نص كيلو عجينة كنافة خشنة (منتفة ومقطعة)
نص كيلو جبنة عكاوي مقطعة شرحات (منقوعة لمدة يوم كامل مع تبديل الماء كل فترة وفترة)
نص ملعقة صغيرة صبغة كنافة
2 ملعقة كبيرة ماء زهر أو ماء ورد
نص كوب زبدة
نص كوب سمنة
شيرة (سادة بدون هيل ولا زعفران) بالطريقة العادية

الطريقة:

في زبدية عميقة نضع عجينة الكنافة ونضع الزبدة والسمنة وندعكهم منيح ونفركهم جيداً باليد ..

نضع الصبغة على العجينة ونفركها كتير منيح ونحاول نضبط اللون حتى تاخذ العجينة اللون بالكامل (بصراحة هاي المرحلة أنا طولت فيها وأنا أفرك العجينة بين إيدي عشان تصير كلها لون واحد)

هلأ الجبنة .. راح نصفيها منيح من الماي ونفتفتها بإيدينا حتى يصير شكلها زي الحبيبات ونحط عليها ماء الورد أو الزهر (أنا حطيت 1 ماء ورد و1 ماء زهر)

نحضر الصينية اللي بدنا نسويها فيها ونغلفها منيح بالفويل ونحط طبقة من عجينة الكنافة ونوزعها منيح وبعدين نضيف الجبنة وما نوصلها للأطراف حتى ما تسيح وتنحرق يعني التوزيع بس في الوسط وآخر شي طبقة كنافة ونرشها رش حتى تتوزع منيح من غير ما نضغطها ونحطها بالفرن حتى تحمر الجوانب ثم نحمرها شوي من فوق ..

تقلب في الطبق ونصب الشيرة عليها ونزينها بالفستق المجروش .. وتقدم بالعوافي..

شو رأييكم الحكي زي الشوف؟؟؟

وهاي بعد ما قطعت منها لأنو زوجي جنني بدو يذوقها..

تسلم ايدك

رووووووووووووووووووووووووعة
تسلم الايادي ......

بتجنننننننننننننننننننننننننننننننننننننننننن ننننن ننننننن ما شاء الله
والتطبيق سيأتي لا محااااااااال

غاليتي ممكن تصورين لي شكل الصبغة

كتبت بواسطة mubtadeah
تسلم ايدك




الله يسلمك يارب ..

كتبت بواسطة هنـــد
بتجنننننننننننننننننننننننننننننننننننننننننن ننننن ننننننن ما شاء الله
والتطبيق سيأتي لا محااااااااال

غاليتي ممكن تصورين لي شكل الصبغة




لك حبيبة قلبي إنت والله ربنا يسلمك ويسعدك ويوفقك .. وتكرم عيونك يا هنود راح اصورك ياها ..(بس أنا هلأ بالدوام أول ما أوصل البيت بصورها وبنزلها) حاضرين للطيبين.

ويلا بإنتظار التطبيق يا حلوة..