حبايب قلبي جبت الربيان ونظفته عدل عدل يعني غسلته وفتحت سلسلة ظهره وطلعت لزفره عشان ينظف ومايكون في رحت زفره طبعا انا احب الربيان الوسط لا لكبير ولا لصغير لان لصغير يذوب بسرعه ولكبير مايستوي عدل
فالمهم نبدأ الطبخة::

نقوم بغسل 2- بصل و4- فصوص ثوم ونفرمهم بالخلاصه ونضعهم بالجدر ونضع عليهم الزيت عشان نحمر البصل ونقصر عليه عشان لا يحترق لان البصل بسرعه يحترق ونخليه لما تشوفون البصله اذبلت ونضيف عليه البيان المغسول والمصفي من الماء ونقلب من فتره لي فتره حتي ينضج الربيان ونقطع 1- حبة طماطم تقطيع صغير جدا ونضيفه علي الربيان لما تذوب الطماطه وبعدها نكون مقطعين الكزبره ولشبنت ونضيفه علي الربيان بالجدر ونقصر عليه ونضيف البهارات والملح والفلفل الاسود وانا بصراحه افضل البهارات الكاري القوطي الاخضر وبعدها نضيف نص قوطي معجون طماط ونضيف 2 الي 3 جلاص ماي علي حسب كمية العيش بحيث يقطي العيش ونخليه يغلي علي النااااااااااار وبعدها نكون مجهزين العيش وغاسلينا ومنظفينه ونظيفه علي الربيان ونخليه لما يتشرب العيش وبعدها نشيل الجدر ونضعه علي عين الجوله لصغيره ونحط تحته الحديده علشان يتصكر العيش علي راحته وبالف عافيه ونزينه بالبقدونس الاخضر فرش ونقدر نفوح بيضه للتزيين ويقدم مع الدقوس صبار واجار ومعبوج وخضره وبالف الف عاااااااااااااااااافيه علي قلووبكم ياااااااااااااااااااااااااااارب