مساء الخير يا بنات
ما شاء الله مواضيع جميلة جدا
كنت عاوزة اعرف طريقة رز السمك انا عارفة انة بيتحمر لة بصل لكن زوجى بيقول لى مش دة رز السمك بيقول بيتعمل بالصلصة اللى تعرف طريقة رز السمك المضبوطة يا ريت تقولى
وجزاكوا الله كل خير

اهلا بنانا هناك طريقه رز السمك التي تعمل مع السمك الكويتي اي المحمر وهاي انا ناخد فنجان من السكر وتعمليه كراميل بس مش يتحرق وبعدين بتضيفي الماء للخلطه او مرق السمك المحضر والمصفي وهيك بتحصلي علي لون الارز المحبب والطعم اللذيذ مع عصرة الليمون انا هيك بعرف وهناك طريقه انك تحمري البصل ليصير بني وبعدين يطبخ مع ماء السمك ويخفق علي المكسر ويصفي وهيك بنحصل علي ارز السمك اللذيذ ويمكنك وضع السمك علي وجه الطبق واكيد الاخوات بيفيدوكي كمان هناك صالونه السمك وهي من الاطباق الخليجيه واهلااااا

ابحثي في المنتدى عن صيادية سمك وستجدين الكثير

حبيبتى احدى طرقى فى رز السمك انى بحمر بصله لحد لما تصفر اضيف معلقه ثوم مفروم واقلب بعدها اضيف معلقتين كبار صلصه طماطم واقلب بعدها اضيف الرز واقلب بعدها ازوده مايه زى ما بتزودى الرز المايه عادى لكن تقللى المقدار يعنىمثلا لو بتحطى كوبايتين مايه على مقدار الرز فى الحاله دى مع البصل والطماطم حطى كوبايتين الا ربع وحطى بقى الملح عادى وسبيه يتشرب هتلاقيه بقى ارز احمر زى اللى جوزك عايزة أن شاء الله

بيس انا بحمر البصله وي لحد ماتبقي لونها بني غامق وطبعا بحط زيت وسمنه بلدي و ربع معلفه صغيره كمون وربع معلقه صغيره فلفل اسودوبععدين احط الرز وعل كل كوب رز ربع معلقه صغيره ملح وبعدين المايه ولما يشربها اهدي النار

كتبت بواسطة السوسنة_السوداء
اهلا بنانا هناك طريقه رز السمك التي تعمل مع السمك الكويتي اي المحمر وهاي انا ناخد فنجان من السكر وتعمليه كراميل بس مش يتحرق وبعدين بتضيفي الماء للخلطه او مرق السمك المحضر والمصفي وهيك بتحصلي علي لون الارز المحبب والطعم اللذيذ مع عصرة الليمون انا هيك بعرف وهناك طريقه انك تحمري البصل ليصير بني وبعدين يطبخ مع ماء السمك ويخفق علي المكسر ويصفي وهيك بنحصل علي ارز السمك اللذيذ ويمكنك وضع السمك علي وجه الطبق واكيد الاخوات بيفيدوكي كمان هناك صالونه السمك وهي من الاطباق الخليجيه واهلااااا



عزيزتى السوسنة -السوداء شكرا جزيلا على اهتمامك وردك بس الرز اللى انا بقول علية بيكون فية صلصة انا الحقيقة ماما بتعمل رز السمك بالبصل لكن زوجى عاوزة بالصلصة انا مش عارفاة وعلى فكرة انا جربت طريقتك فى المعجنات وطلعت جميلة جدا تسلم يدك عجينة طرية وجميلة وزبطت من اول مرة كل الشكر لك

كتبت بواسطة nana banana
عزيزتى حبيبة قلب امها شكرا على الرد والاهتمام انا هجرب طريقتك عشان احتمال تكون هى دى اللى زوجى يقصدها يس لو تسمحى لى انت بتحمرى البصل الى ان يصفر ولا يصبح غامق لان انا اعرف ان بصل رز السمك يحمر حتى يصبح غامق؟وانت قصدك اقلل الماية عشان البصل والصلصة ولا انتى بتضيفى كمان طماطم؟مع الصلصة