شوفي بعد كل البحث والمداولات ...حظك وقعك فيا اني أول رد وانتي طبعا عارفه اللي فيها بس هقولك برضه...
....انا اتعلمت مبادئ الطبخ من الكليه لأني خريجه اقتصاد منزلي بس طبعا الكليه مش بتعرفك كل حاجه...انما بقي اللي ظبطني فالطبخ ماما ربنا يخليهالي والممارسه طبعا ..يعني كنت أسأل ماما وأطبق ...أكل فمطعم بره وأجي أجربه فالبيت..أسمع عن أكله أحاول أعرف بتتعمل ازاي..كده يعني..والمهم انك تجربي بأيدك هي دي أهم حاجه ومره تظبط ومره تفشل وأهه بيمشي الحال...بس
المهم كل سنه وانتي طيبه ...وتنعاد عليكي الايام بكل خير يارب

كل سنه وانتى طيبه يا ام مرام
ياريت قبل اى شئ تطمنيا عليكى وعلى اخر التطورات
بالنسبه لى انا اتعلمت من ماما
مامتى كانت ولا زالت استاذه فى المطبخ
الكل بيلجأ لها فى اى عزومه او سؤال او طريقه
ونا حبيت المطبخ منها
وهى كانت تشجعنى
حتى لو عملت انا حاجه مش حلوه كانت تقولى ولا يهمك جربى تانى
لكن بينى وبينك كنت قبل الزواج بشتغل وبدرس فمكنش عندى وقت
بعد الزواج بقى الغربه هى اللى علمتنى
كنت كتير بقعد لوحدى فى البيت فكنت بتفرج على الشيف اسامه واكتب وراه الاكلات
وكمان منتدى لك ده غير ان زوجى دائم الاكل فى المطاعم وخاصه الفاخره بحكم عمله وده اللى خلانى اغير من الفاخره دى
كنت عاوزه انافس المطاعم دى باى طريقه واعمل له اكل يقولى بعده تسلم ايدك
والشهاده لله شجعنى كتير كتير وكان دائما بيعلق تعليقات تشجع وتخلينى اعمل تانى وتالت ورابع واتعلم وابتكر
ومع الوقت اصبح للاكل لمسه خاصه بى يعنى ممكن اعمل اكله معروفه للجميع انما بلمسه فنيه ليا انا فقط
توابل معينه
او تزيين معين
وهكذا
اتمنى اكون افادتك

السلام عليكم
بصراحه انا قبل لا اتزوج كنت ادرس والدراسه واخدة اغلب وقتى وبعدها على طول اتزوجت والحمد لله
اساسيات الطبخ تعلمتها من ست الحبايب ربى يطولى فى عمرها يارب كانت طول الوقت تحاول معاى وهيا نفسها فى الطبخ هايل
ومع الغربه الحمد لله طورت من نفسى وانا حظى حلو جدا ان نفسى فى الطبخ زى نفس ماما
وبديت شطوره جدا والحمد لله ومازالت عمليه تطوير النفس مستمره ان شاء الله