اليوم كتبتلكم اكلة زاكية كتير اصلها فلسطينية واسمها مقلوبة علشان بس نخلص نطبخها بنقلب الطنجرة
على العموم ما بدي اطول عليكم

المقادير:
دجاجة 2كيلو
كيلو رز
حبتين باذنجان
4 حبات بطاطا متوسطة الحجم
حبتين بندورة مقطعة دوائر
بصلة كبيرة
راس ثوم صغير
قرنين فلفل اخضر
كوب حمص حب (لازم نكون نقعينو في المي )
فلفل اسود +ملح +بهارات رز+كركم
لوز مقلي للزينة


الطريقة:
نسلق الدجاجة بعد تقطيعها مع الحمص والملح والفلفل الاسود والبهارات و الكركم في هذا الوقت بنقلي البطاطا والباذنجان طبعا بنكون مقطعينها دوائرثم نقطع البصل والفلفل الاخضر والثوم مربعات صغيرة ونقليهم مع بعضهم ثم نترك الارز في الماء الساخن لمدة 5 دقائق ثم نحضر وعاء الطبخ نضع ملعقتين زيت في قاع الوعاء ثم نضع ملعقتين من الرز المسلوق فوق الزيت نضع البندورة المقطعة دوائر ثم الدجاج المسلوق مع الحمص ثم البصل والفلفل والثوم ثم البطاطاوالباذنجان ثم نضيف الرز المسلوق ثم نضع مرق الدجاج المسلوق حتى تغمرها ونتركها تنضج على نار هادية
و عندما تنضج نقلبها في صينية ونرش فوقها اللوزالمقلي



وبالهنا و الشفا
اختكم في الله بنت القطاع

mashkooora

شكرا حبيبتي على الاكلة الفلسطينية

تسلم يداك

تسلم يدك حبيبتي على الوصفه الطيبه

يسلموا هالايدين ويا ريت نشوفها المرة الجاية بالصور علشان نفس الواحد تنفتح اكتر ويارب يخليكي ويسلم ايديكي ... شو رايك حلوة ما ................