مرحبا
انا من حماة بس قضيت فترة دراستي الجامعية بالشام
اكلت الطباخ روحو عند ست شامية و نفسها لا يعلى عليه حتى كانت تسلت فيه كم كوساي محشية و كم بيتنجانة محشية و يطلع شي طيب كتييييييييييييير ياريت توصفولي طريقته ان امكن فهو نكهة مختلفة عن الكواج ...
و لكم جزيل الشكر

اهلين حبيبتي نورت المنتدى حبيبتي اذا عم تسالي عن الكواج الي هو بندورة ولحمة وبصلة فهو كالتالي
بتقطعي بصل على حسب الرغبة وبتقليه شوي مع السمنة او الزيت النباتي ليستوي شوي بتحطي الحمة المجرمشة او الراس عصفور وبتقليها مع البصل لتستوي بتكوني قطعتي البندورة وسط لا تصغريها كتير وبتحطيها فوقهم مع الملح والبهارات وممكن حبة ماجي وتركيها تستوي عراحتها على هدوء النار بعد الغليان وفي ناس بيقشروا البندورة قبل التقطيع على راحتك وهي بتقبل تحطي بقلبها محشي اما اذا كنت عم تحكي عن الطباخ روحو تبع الكوسا وبيتنجان ولحمة قولي وانا بخدمتك لانو في كتير ناس بيخربطوا بيناتهن واهلين فيك ياعيوني اي استفسار انا جاهزة

السلام عليكم ورحمة الله وبركاته
طريقة الطباخ روحو : كتير سهلة :
المقادير : بصلة كبيرة مقطعة شرائح , لحمة مفرومة , بندورة مقشرة ومقطعة قطع صغيرة ( مكعبات ), كوسا مقطعة قطع صغيرة ايضا ( مكعبات ) 0 عصير تمر هندي ( قليل منه ) , ثوم مدقوق , نعنع يابس , قليل من السمن

الطريقة :
ضعي السمن في القدر ثم فوقها اللحم المفروم وحركي مع اضافة الملح والفلفل
اضيفي فوقها البصل الشرائح وحركي حتى يذبل قليلا
اضيفي الكوسا مكعبات وقلبي المزيج اركيها لمدة 5 دقائق ثم اضيفي فوقها التمر هندي واتركيها حتى تنضج الكوسا قليلا ,,, بعد ذلك اضيفي البندورة واتركيها لتضج تماما ولا مانع من اضافة ملعقة من رب البندورة اذا وجدت ان البندورة خفيفة ,,, بعدها اضيفي الثوم والنعنع 0
( يجب المراعاةفي اضافة كمية التمر هندي وهي بان تتذوقي حتى تعرفي ان حموضة الطبخة معتدلة وليست زيادة )


ويالنسبة للكوسا المحشية والباذنجان هذه اضافات ليست من اصل الطبخة وتكون حسب الرغبة
والف صحة 00 وارجو ان اكون قد افدتك

سبقتيني بالرد يا ام البراء 00
الله يبارك فيكي

ياسلام طلع في غيري شامية بالمنتدى يا زهر الربيع ولا انت سورية تجميع سعودي ههههه عم امزح قصدي مقيمة بالسعودية ؟

نعم سورية من دمشق و مقيمة بالسعودية 00
اهلا وسهلا فيكي 000

تسلمي حبيبتي صحة وهنا على قلبك بس قوليلي شو بتشتغلي بالامارات لانو في نية ننتقل لعندك قريبا ان شاء الله