جايبالكم اكلة إن شاء الله تعجبكم و على فكرة هذة الاكلة من إختراعاتى لما كنت بعمل احيانا فى العزايم ارز بكمية كبيرة و كان بيتبقى عندى كمية كبيرة لتانى يوم و طبعا زوجى مستحيل ياكل الارز البايت ففكرت فى الاكلة دى و طلعت تجننن و قلت لازم اقولها لاخواتى الحلوين لانها اكلة يم يم يم يم تجننننن و دلوقتى حاقولكم على
المقادير
ــــــــــــــ
* 1/2 كيلو لحم معصجة ( يعنى مشوحة مع 3 بصلة و ملعقة ثوم مفروم و ملح و فلفل و قرفة و 2 معقة كبيرة سنوبر )
* خضار مشكل مقطع مكعبات (2حبة بطاطس - 4 حبة خرشوف - بسلة - فاصوليا - كوسة - جزر -بصل )
* كيلو ارز مصرى مطبوخ
*مقدار مناسب من البشاميل ( كل واحدة و طريقتها فى عملة انا بستعمل الجاهز و بيطلع يم يم )

الطريقة
ـــــــــــــــ
*نطبخ الارز و نتركة حانبا او ممكن طبعا يكون ارز مطبوخ و بايت عندك
*نعصج اللحمة بالطريقة المعتادة و نتركها جانبا
*فى حلة متوسطة الحجم نشوح بصلة كبيرة الى ان يصبح لونها وردى ثم نضع فوقها ملعقة ثوم مفروم مع التقليب ثم نضع الخضار بتاعنا و نقلبه مع بعضة ثم نضع ربع كوب ماء مع 2 ملعقة صلصة طماطم عليه و نتركه على نار هادية حتى يستوى.
*نحضر صينية و ندهنها بالسمن ثم نضع مغرفة بشاميل ثم نضع نصف مقدار الرز و نساوية جيدا فى الصينية
*نضع الخضاربتاعنا و فوقه اللحمة المفروم المعصج و بعدها نضيف باقى مقدار الارز و نساوية جيداً .
*نغطى الصينية بباقى مقدار البشاميل و نضعها فى الفرن .
*بعد 1/2 ساعة نخرج الصينية من الفرن و نغطيها بالقشدة ثم نضعها مرة اخرة بالفرن حتى يحمر الوجة.
*بعد ما تستوى نخرجها من الفرن و نتركها قليلا عشلن تبرد شوية و بعدين تقطع و تقدم

حذارى إنك تقطعيها و هى لسة سخنة بعدين تتفرفت منك و ما تطلع القطعة سليمة بحالها.

و بس خلاص خلصت الاكلة و اتكسرت صوابعى
بالهناااااااااااااااااااااااااااااااااا و الشفااااااااااااااااااااااااااااااااااا

تسلم الايادي

تسلم ايدك عزيزتي

الله يوفقك

مشكوره وتسلم ايديكي

الله يعطيك العافيه

تسلم ايديكى اميره

الله يخليكى يا نور
دة بس من ذوقك يا قمر
و إن شاء الله لازم تجربيها و تدعيلى