السلام عليكم اخواتى العزيزات
الحقيقة دى اول مرة اشارك فى هذا الركن يارب اقدر افيدكم بحاجة تعجبكم

انا مش عارفة إذا كان حد سبقنى و وصف الكبدة الإسكندرانى و لا لأ
لكن و الله دى الطريقة الى انا بعمل بيها الكبده و احب اعرفكم إن انا طبعا إسكندرانية صميمة و كنت اعملها من ايام ما كنت بالجامعة لدرجة إن احد زميلاتى عزمت عليها بسندوتش فرفضت لأنها لا تحب ان تأكل الكبده البيتى لان طعمها يختلف عن الكبده الى تباع فى المحلات طبعا بتاعة المحلات احلى و انا عرفت السر و حقولهولكم دلوقتى بس عايزه اقول لكم ان زميلتى هذه لما ذاقتها اكلت كل السندوتشات الى كانت معايا

و دلوقتى تعالوا حقولكم المقادير :
1/2 كيلو كبدة
راس ثوم كبيره مفرومة
شطه او فلفل حار
3 حبات فلفل رومى مقطع قطع صغيرة
1/4 كوب زيت زيتون
ملح و كمون
ملعقة طعام خل

الطريقة :
اولا نفرم الثوم فى المفرمة و نضع عليه الفلفل الحار او الشطه و الملح و الكمون و ملعقة الخل.
و نضع هذة الخلطة فى الثلاجة لمدة 3 ساعات او ممكن نحطها من بليل لتانى يوم .
بعد كده نضع الزيت على النار و نشوح فيه الفلفل الرومى و لكن لا نتركه يذبل يعنى 5 دقايق بس ثم نضع فوقة الكبدة لمدة 15 دقيقة ثم تقدم ساخنة .
و بالهنا و الشفاء مستنيه تدوقوا و تقولولى إيه رأيكم .

ياااااااااااااااسلام علي الاسكندرانية ومطبخ الاسكندرانية
تسلم ايديكي يا اميرة علي فكرة انا اسكندرانية صميمة مثلك

يعطيك الف عافية

ويسلمو هالايادي يارب

بجد شكلها بشهي

يسلمووووووووووووووووووووو

تسلم إيديكي .. حبيبتي .. يا اميرة فرعونية
و يا هلا بالأسكندرية و بأهل الأسكندرية السكر

الله يسلمك يا منال يا حبيبتى و ميرسى لمرورك الجميل
ايووووووووووووووه اخيرا لقيت واحدة إسكندرانية


أختى علا الله يخليكى يارب بالف هنا و الشفاء على قلبك يا حبيبتى

اختى ام العلاء
يا هلا بيكى انتِ يا صاحبة الاكلات الحلوة
و الله انتِ اللى سكر الله يجبر بخاطرك ذى ما جبرتى بخاطرى .

وصفة لذييييييذة

يسلمو ايديكي حبيبتي