صبحكم بالخير يا خوات هاي اول مشاركة الي و انشاء الله تعجبكم جيبتلكم طبق باللحمة علشان الدجاج ماخذ اجازة هالايام و تعبان شوي.
علشان ما اطول بندخل بالمقادير:
1/2 كيلو لحمة خالية العظم للطبيخ مقطع قطع صغيرة وسط
4 بصلات وسط مقطعة جوانح طويلة
بهار لحمة ،فلفل، ملح
4 ملاعق طعام مستردة او خردل (علبته عادة صفراء)
ورق قصدير او المنيوم
ملعقة زيت ذرة او زبدة
الطريقة:
يخلط في وعاء البصل الجوانح و البهار و الملح و الفلفل حسب رغبت كل واحدة و 4 ملاعق مستردة و نقلبهم جيدا
نغسل اللحمة و نصفيها و نضعها فوق البصل و المستردة و نخلطهم جيدا
نقسم ورق قصدير يكفي لتغطية اللحمة و ندهنه بشوية زيت او زبدة في وسط الورق و نضع خليط اللحمة و البصل في الوسط و نلف علية القصدير و نغلفه كالهدية علشان ما يطلع الخليط منه.
نضع لفة القصدير في صينية وسط و نصب شوية ماء لتغطية قعر الصينية و يعمل بخار لنضج اللحمة و نضعها بالفرن لمدة ساعة مع مراعاة استمرار وضع ماء بالصينية اذا نشفت حتى تنضج اللحمة. و تغمس بالخبز
و تقدم كوجبة عشاء مع معكرونة سباجيتي و متبل باذنجان او كغذاء مع رز ابيض و سلطة خضراء.

حياك الله يا داندوشكة ... اسمك غريب ما معناه
لكنه يعجبني
طبق لذيذ ويستحق التجربة
اهلا وسهلا بك وبأهل الادن في منتدى لك
بانتظار اطباق جديدة منك
والى ركن الاطباق الرئيسية حيث تستمتع به اخواتنا عضوات لكِ.

و حياك الله يا و عود الخير و صباح الورد . شكرا على تشجيعك الي و لاهل الاردن .اتمنى تجربي هذا الطبق و تحكيلي رأيك بعد ما تتذوقيه.
بالنسبة لاسمي ما بعرف شو معناه بس خالاتي دائما ينادوني فيه(كدلع) و بحبه كتيير.
و اذا في حدا عنده استفسار على اي شئ فى طبقي انا جاهزة للتوضيح.

تسلمي يا ذوق..
وان شاء الله بتدللي على طول.

لوسمحتي أختي بأسالك عن المسترده أو الخردل ويليت إذا كان عندك صورته أوعند أحد من الأخوات في المنتدى تنزلها ..لأنني ما أعرف شكله وطلبت من بابا يجيب لي خردل لان بعض الطبخات موجود فيها خردل وراح وجاب لي زيت ويقول هذه خردل صاحب السوبر ماركت يقوله ...
والله يعطيك العافية ..امين

شكرا على سؤالك يا ملح الحياة بس للاسف انا ما عندي كاميرا لاصورلك اياه بس المستردة بتكون خليط اصفر غامق غليظ و علبتها صفراء غامقة بتلاقيها في السوبرماركات الكبيرة مثل السيفوي ولزيادة العلم مكونات المستردة(مثل ما هو مكتوب على العلبة)هي: خل،ماء، بذور الخردل،ملح ،كركم،بابريكا،بهارات،ثوم بودرة ،نكهة خردل . يا رب اكون افدتك بس هو بيختلف عن زيت الخردل لكن بيدخل في تركيبه الخردل.و عادة بيحطوا مع ساندويشات النقانق او الهوت دوغ.