الارز القدره

هاي اكله غزاويه اكيد الاخوات الفلسطينيات حيدخلوا تعديلات بس انا باعملها هيك وبتجنن

المقادير
لحمه بعظمها يعني حوالي 2 كيلو (ممكن تنعمل بالدجاج بس بينسلق وبيضل بره الرز )
راس بصل كبير

راسين ثوم افرطيهم واتركيهم بقشرهم
كوب حمص منقوع
4 اكواب رز 2 مصري و2 بسمتي
زيت او سمنه (زي ما تحبي )
بهارات القدره (عباره عن بهار حلو وكركم(عصفر ) قرفه كميه صغيره فلفل اسود
الطريقه

قطعي البصله وحمريها في شوية زيت صغيره وحطي عليها اللحمه وقلبيها مع فلفل اسود وهيل حب دقيه

حطي عليها ماء تقريبا6 كاسات ونص ماء والحمص كمان طبعا بطنجرة الضغط

اسلقي اللحمه عادي لما تستوي وبعدين في طنجره تانيه حمري الثوم بقشره والرز زيديه عليه والبهارات كلها بس زيدي الكركم شوي

وحطي اللحمه مع الشوربه عالرز في الطنجره التانيه واطبخيها عادي نار هاديه (لو عايزه تطبخيها في الضغط الرز يعني مع اللحمه ديري الرز والحمص والبهارات والثوم عاللحمه اللي في طنجرة الضغط ولما تغلي اقفليها وهدي النار

لمدة 20 دقيقه بعد ما تصفر ولو في طنجره عاديه ديري اللحمه المسلوقه مع الحمص عالرز والثوم والبهارات

معلش لخمتكم شوي بس ركزوا معي بتطلع بتجنن طبعا لا تنسوا الملح

بس لما تستوي قدموها مع سلطه خضراء ولبن

غزه مشهوره بهالاكله بيطبخوها في فخار وبيسموها قدر ياعيني على بحر غزه واكلة القدره

الله يوعدنا يا رب ونعيد هيك الايام
undefinedundefined

عيني عليك
انا باعملها في الفرن
والطعم .. ما تئولش لعدوك عليه..
سملت

هلا وعود كيفك ان شاء الله بخير

كيف بتحطيها في فخاره واللا عادي ؟

عادي .. في طنجرة عادية
بس بعد ما شريت الفخارة صرت استعملها والفرق في الطعم واضح.

رز قدرة يا أم الأفكار يا سلام إنا كتير بعمله بطريقتك،،، وأحيانا بنعمل لمة وبنطبخة فى قدرة الفخار وبفرن الطينة تحفة كان،،،
بس آخر مرة عمله عمى وخبصه خبصة غير شكل خلانى أشمت فيه وصارله كام شهر بيقولى إنتى السبب خربتى القدرة ...

الله الله .. القدرة .. (بس بدون حمص ) يا الله ما أزكاها .. !!!

صباح الخير يا وعود .. صباح الخير يا جبل النور .. كيف الحال ؟ ..

هلا باللي حبتهم قلبي قبل ما تشوفهم عيني وعود وجبل النور

واكيد الفتفوته عالبيعه

المهم الفخاره عليك يا وعود اشتريها وخليها الي لما اروح غزه اخدها ماشي

اتفقنا ولو مش عايزه اكيد جبل النور بتجيبها وما تخلي عمك يطبخ تاني همه الرجال ايش اللي يدخاهم المطبخ من

اصلو هههههههههههههههههه خلاص الغداء يوم الجمعه الجايه قدر عالبحر شو رايكم ؟ ما تعتذروا خلص