بسم الله الرحمن الرحيم
السلام عليكم ورحمة الله وبركاته:

أخواتي العزيزات أبي منكن الفزعة أنا أشتريت فرن ماكروويف وبعد مارحت أجرب وأحوس فيه ماعرفت إلا طريقة التسخين والإذابه فقط لا غير...
ودي أي وحدة منكن جربت الطهي أو الشوي تعلمني كيف يعني أطهي بنفس الصحن الزجاجي أوصحن خارجي وإيش الأشياء اللي تنطهي وأي شي تعرفه عن هذا الجهاز تكتبه لي .. يعني بصراحة محسوبتكم دلخه في هذي الأشياء وودها تطور وتواكب العصر اللي عايشة فية ولا تدري كيف فالفزعة يا أخواتي لا تتركني في محنتي حتى ما أتفشل قدام أبو العيال لأني مسويتله إني فاهمة ومحد قدي

يالله أبي اروح أنام ولما أصحى ألاقي الردود اللي أطيب الخاطر


تصبحن على خير مع إننا على وش الصبح

هههههههههه حبيبتي ذكرتيني بحالي بس الفرق انو ابو الشباب بيقرا كل التفاصيل الموجودة بالكاتالوج او الكتيب اللي يجي مع كل الالكترونيات اللي تشترينه ... يعني لو ما في خبرة بنوب ابدا ابيض يعني فالحل الامثل هو الكتييب لانه اسهل طريقة واضمنها بعدين انتي ما حطيتي اي معلومات عن الميكروف اللي اشتريتيه ولا حتى ماركته ايش ... عموما الازرار اللي على الجهاز تعلمك شوي شوي واحسن طريقة للتعلم هي التجارب فهي خير برهان وتخلي ايديك تعمل بسرعة وتعرفين اي زر ايش واجبو
واخيرا الف مبروك
تستعمليه بالهنا وتسوين فيه اطيب الاطباق بس نصيحة الشوي والكلام هاد خليفه بالفرن لانه يعطي احسن النتائج
انا ما استغنى عن الميكرويف بس غالبا للتسخين ومعلومة مفيدة اخيرى عند التسخين لاي شي ولاي مدة زمنية استعملي كيس نايلون حتى لا يجفف من طراوة الطعام وخاصة للرز والخبز او الصمن.... ودامت مجايب زوجك عليكم>>>اه نسيت بالنسبة للاطباق البايركس والاطباق الصينية احسنهم للتسخين او الطهي وبالعافية.......

عزيزتي الغالية bdooor شكرا لردك وأسلوبك الجميل
أما الماكرويف اللي عندي من سانيو كبير وجديد . أما الكتيب اللي معاه شبعت من قرائته يعني قصدي ابي معلومات من الأخوات اللي عندهن خبرة ولو بسيطة يمكن تنفعني بهذا الجهاز من ناحية الأواني التي يجوز أستعمالها ولا تسبب أضرار ومن ناحية كيفية الطبخ فيه وهكذا..........

فأنا مازلت في إنتظار المساعدة من الأخوات ولا تهون الأخت بدور جزاها الله خير.

أختي الغالية شروق أنا بكتبلك مستعجلة لأن ماطاوعني قلبي أشوفك تبغين الفزعة وأطنش
شوفي عيوني أنا عن نفسي عندي مايكرويف من 6 سنين أو أكثر شوي بس تصدقين ماجربت الطهي أو الشوي فيه أبد ماعدا مرات قليلة أقلي فيه بيض بدون زيت لمن كنت أسوي رجيم
كل اللي أسويه تسخين فقط مش عشان ماأعرف أستخدمه لا
لأني أسمع كثير يقولون إن كثرة استخدام المايكرويف ضار بالصحة والطهي بالذات
لذالك ماتشجعت أبد إني أطهو فيه وأشوف الفرن الشوي فيه ألذ
بس عندك طرق بسيطة تستخدمين فيه المايكرويف غير التسخين فيه أنواع من البوب كورن (الفشار) ينعمل بالمايكرويف داخل كيس نايلون الخاص وكمان ممكن تضعي دجاج مع خضروات وملح وبهار وشوية ماء داخل أكياس نايلون الخاص بالشوي بس ماأعرف كم المدة لأني مثل ماقتلك ماجربت أتمنى تكوني استفدتي شوي وطولتها عليك
هذا وأنا مستعجلة شلون لو كنت فاضية
الله يعينك
تحياتي لك أختي

اهلين شروووق ..

اناعندي ميكرو ويف من مده طويله ..واستفيد منه في التسخين ..او بعض الأكلات البسيطه فقط ..

جربت عددمن المرات الطهي فيه ..لكن كانت النتيجه سيئه ..والأكل بدون نكهه ..يعني الطبخ على الفرن الذ طعماً بكثييير ..

شوفي يا عزيزتي انا عندي مايكروييف من سنتين بس ما استخدمه غير للتسخين فقط او لتذويب الجبنه او الدجاج اذا كنت مستعجله لكن ما انصحك بالطبخ فيه لان الطبخ هو تحويل انسجة الطعام من حال لحال وهذا مشكوك فيه علميا ومثار جدل انه قد يكون ضار اما التسخين عادي وبعدين ليه محرجه من ابو العيال يا عيوني ما في حد اتولد يعرف كل شي هذا جهاز مثل اي جهاز معاه كاتلوج ليه يعني؟ لانه فيه له طريقه للتشغيل يعني حتى المسجلات لما تطلع موديل جديد تكون فيه احيانا تقنيات جديده لازم الواحد يتعلمها وهو مجرد مسجل ما بالك مايكرو وويف وبعدين المايكرو ويف انواع فيه بالعربي والانجليزي وبعضه بس انجليزي واذا تبغي اترجم لك المصطلحات انا جاهزه

يا حليلك يا شروق والله ضحكتيني..(لأنه من لما جبته وأنا وولادي الله وكيلك نسخن اللي ناكله واللي ماناكله..مدري ليش !!!)
على العموم الاخوات ما قصروا...افادوك وافادوني...
بس عندي لك نصيحه في تنظيف الميكرويف....تحطين كاس فيه ماء داخله وتشغلينه لمده دقيقة..وراح تلاحظين ان الاوساخ بتطلع معاك على طول اذا مسحتيه بفوطه...
وعلى فكره...لا تسخنين الاكل بصحون ستيل...ولا تغطين اللي بتسخنينه بقصدير ..انتبهي...