سلامي للجميع
هل حاولتم من قبل بمحاوله اختراع اكلات مجنونه ؟؟
هههه
قد تستغربون !!!
ولكن
استمعوا الى بعض من تجاربي :
1- مره كنت راده من الكليه عطشااااااانه وما كان عندي في البيت عصير و الماي ما يروي العطشان [IMG] ]http://www.montadalakii.com/ubb/smilies/cwm20.gif[/IMG] رحت الثلاجه و فكرت في الفواكه الموجوده بس للأسف ما لقيت شي عليه العين يستاهل سويت لي عصير كيوي !! بعد شويه عصير طماطم(( بندوره )) بس مع ملح . بعد شويه شربت
آه على الطعم انه منعش
بعدين قمت اسوي لي عصير اي فاكه تخطر على بالي وساعات مب فواكه بل خضروات .


2 -مره ثانيه رديت من الكليه وألأكل ما كان جاهز !!! الله يكون في عون الوالده وايد تتعب
المهم كانت مسويه (( صالونه لحم )) - الله يبعد عننا جنون البقر و الوادي المتصدع و الحمى القلاعيه - المهم رحت الثلاجه لقيت عيش على ربيان (( مربين بالبحريني)) قمت خذته + ليمون + زيت + مرقه اللحم واللحم ولكن للأسف كان حار جدا ؟؟؟ ما العمل ؟؟
بدلا من تركه يبرد قمت بوضع الثلج عليه وآه على الطعم
انصحكم ان تجربوه
بس خلاص
المره اليايه بكتب لكم التجارب الباقيه
لا تخافون فيه وايد بس نخليها للمره القادمه
ارجوا من الجميع كتابه تجاربهم المجنونه ... حتى لو كانت غريبه
نراكم

------------------
الله يرحمنا برحمته


تم تحرير الموضوع بواسطة منى النفس بتاريخ 24-04-2017 الساعة 09:28 AM

هلابم يامني النفس وحياك الله

ههههه حلوة تجاربك
هاه عاد واعطينا البقيه من التجارب.
انا التجربه اللي مريت فيها مضحكه جدا

وهي اني اذا صرت جوعانه جوعانه جوعانه بعني بالمررررة بكيت بكيت من شدة الجوع بس هاااااه عاد لاتضحكون عليه.

واحياننا يكون الاكل حااااااار نااااار
بالكتاب اهف عليه علشان يبرد وناكل بسرعه هههه.

وشكرا لك حبيبتي


------------------
التاج
لا اله الا انت سبحانك اني كنت من الظالمين

امــــا كيوي وطماطم ما قد صارت
بس الله يعافيك ضحكتينا ههههههههههههههههه
فعلا اكلات مجنونه


التاج فعلا الجوع كافر !!!!!
ومالنا الا نهفه عشان يبرد

------------------
كل من تلقاه يشكو دهره ....ليت شعري هذه الدنيا لمن !

و انا مثلك يا التاج يوم اكون يوعانة
و خاصة لو كنا طالعين برع البيت و ما اشترولي الاهل الاكلة اللي مشتهيتهاابكي على نفسي... ها.. ها تري لاتسوون مثلي لاني غيرت هذه العادة

تم تحرير الموضوع بواسطة النجمة الزبرجدية بتاريخ 24-04-2001 الساعة 04:59 PM

هاي منى النفس، بصراحة لما عرفت انك بحرينية وايد استانست لاني وايد احب البحري عشت فيها فترة طويلة واتمنى ان آنة وياج نتواصل علشان اتذكريني بربعي هناك.

------------------
من عافنا عفناه لو كان غالي