قال الشاعر حمود البغيلي ( أصابع الأيام )

الأرض عطشانة والأمطار شحّت
.. .. .. .. .. .. .. والزرع ذابل واتعب الفاس فلاح
مصايب الأحداث هزّت وصحّت
.. .. .. .. .. .. .. قلبٍ تنفس نسمة اسنينه جراح
نفس الكريم اللي من الجود فحّت
.. .. .. .. .. .. .. ترفعت فوق الخساير والأرباح
ناسٍ تصم آذانها ما توحّت
.. .. .. .. .. .. .. أنين من صارت هياكلهم أشباح
حتى العصافير الجميلة تنحّت
.. .. .. .. .. .. .. يوم انّتف من صدرها ريش وجناح
شابت خناجرها والأصوات بحّت
.. .. .. .. .. .. .. ما عاد نسمع صوت للريح صداح
أصابع الأيام جابت ومحّت
.. .. .. .. .. .. .. اجمل عطر في الأرض زاكي وفوّاح
ــــــــــــــــــــــــــــــــــــــــ

رد الشاعر احمد بوعلاي ( دنيا )

ما بين جزر و مد و أخطاء صحّت
.. .. .. .. .. .. ..دنيا تجيب وتاخذ براح مـن راح
خطّت خطوط الأمس واليوم محّـت
.. .. .. .. .. .. ..أقلامها في سلمها صارت سـلاح
مرة سخيّة .. وعشر مرات قحّـت
.. .. .. .. .. .. ..ومرة تخلّي غارق الـرّق سبّـاح
حتى الحمامة من بعد نوح فحـّت
.. .. .. .. .. .. ..لمـا ألفنـا كل حيّــه وتمسـاح
والنخلة ضلّت صامدة ليـن كحـّت
.. .. .. .. .. .. ..استنسخت من روحها جملة أرواح
وإلا الطيور اللي من الريش ضحّت
.. .. .. .. .. .. ..عادت تغرد .. لكن بصوت مرتاح
هذي مطالب وقتنـا اليـوم لحـّت
.. .. .. .. .. .. ..كنّا نتغزّل بالقمر .. صار مصباح

الله الله

مشكووووووووووورة