جتني ظـروف للكـدر مستعـده
قامت تحدد لي الاحـزان ميعـاد

مرة مع حظـي ومـرات ضـده
واليا تكدر خاطر القلـب تـزداد

في دنية خلقت على الناس نـده
مردودها للخير تجـرح واجهـاد

إتجي على المظلوم وتبيح سـده
واتجي على الظالم تساهيل وامداد

والصدق فيها ما لقى مـن يعـده
والكذب يلقى له مع الناس شهاد

واللي فقد حـق عجـز يستـرده
يصبح على تسديدة الدين معتـاد

ومسكين من راد الزمن يستبـده
عيت عليه اقـدار الايـام تنقـاد

تطرح به الدنيا على القاع مـده
مثل الفريسة والمقاديـر صيـاد

ضاعت حياته في لحاف ومخـده
عدت عليه ايام بغفـول ورقـاد

وماله عن دروب الوعر من يصده
ولا هو عن دروب السلامات نشاد

تلطمه مو جات القدر فوق خـده
وتخطي به الخطوة من بلاد لبلاد

حبله قريـب وعاجـز لا يشـده
يحسب جميع الناس قاصين وبعاد

عاند حياته لـو حياتـه تحـده
وادى سنينه كلها عنـاد بعنـاد

إصحى من الغفلة ترى العمر حده
للوقت سجاته وللمـوت ميعـاد

وهذي هي الدنيا تجي مستجـده
تلقا بها المازح وتلقا بها الجـاد

قصـة حيـاة ومننـا مستمـدة
ويلزمها تنفيذ وإخـراج وإعـداد

عشنا على كف القدر فـوق يـده
الله خلقنا عباد ونفني لـه عبـاد

ولا حاصـل للحـي ماكـان وده
ولا حاصل للي يموتـون ميـلاد

ويكفيني اني من ظلـوه المـوده
ومالي مع الخسران بالدين مقعاد

وإن جتني الغفلة علي اوقات شدة
اصبح لها صداد والقلـب صـداد

وتقدير ربي مالنـا فـي مـرده
ومعارض لتقديره إشراك والحـاد