بعد مامرت سنين ..

وزاد في دمي الحنين

.. قلت : أبمر الأماكن ..!

أشتهي غبااار المساكن ..

كانت اللحظة جنون ..

.. وكان فيني الشوق ساكن ..!!

.
.

وفي مسافات الطريق

.. كنت في الذكرى "غريق" !!

.
.

وانتهت فيني المسافة ..

وابتدت غربه ومخافه ..!!

.
.

جيت حييت المدينه ..

اللي عنها رحت طفله ايدي في ايدين أمي

جيتها وفي يديني همي ..!!

.
.

وللأسف كل شي خذلني ..!

المكان اللي حضني ..

هو نفسه اللي رفضني ..!!

.
.

ليه تنسى يااااا مكان ..؟!!

.. تهت ..

ضيعت الأمان ..!

.
.

صااار اللي ماهقيته ..

وين بيت وآنا طفله قد بنيته ؟؟!!

وين احساس زرعته وماجنيته ..؟؟!!

تهت .. ضيعت الهدى

.. صحت فيهم ..

منهو فيكم شاف بيتي ؟؟

ومايرد إلا الصدى ..!!

وتمتماتي: ليتني ماجيييييت ..

ليتي ..!

.
.

" هااه أختي .. وش بغيتي ؟؟! "

التفت ..

ماعرفت إلا العيون

وصوووت عمره مايهون ..!!

قال: "ساااره ؟؟"

"والله دنيااااا"

"ماعرفتيني ياساره ؟؟"

"أنا اللي عنك أدافع .. "

"وأتبعك في كل حاااره .. "

.
.

اختلط حزني وفرحي ..

همس صوته هد صرحي

وتوه يذكرني المكان ..

.. وتووه يرجع لي الزمان

وتوني بس ابتديت ..

أشوى يارب اني جيت ..!

.
.


"هااااه ساره ؟"

"وين صرتي "

"قبل ماأنسى"

"هذي مرتي ..! "

"ذي فلانه .. تعرفيها ؟"

"بنت عمي اللي كنتي لما نلعب تطرديها ..!!"

"صح صغيرة .. "

"بس وربي إن غلاها بوزن ديرة ..! "

.
.

"تدري ساره ؟"

"وربي في (مرة) ذكرتك .. عند بابك"

"إلا بسأل وشهو جابك ؟! "

.
.

(( وشهو جابك ؟؟ ))

هالسؤال اللي صفعني ..؟؟!

.
.

ابتسمت له بثقل ..

وقلت: أوراق وشغل

ورحت أمشي بكل ثقه ..

.. كني أدري لوين أمشي

والله .. مدري ..

.. انتظرته يقول .. بدري ..!!

.
.

بس راااااااح

ونصل حرفه في الجراح

.
.

وانتهت فيني المسافه

وكل شي أعلن جفافه

وانتهييت ..

وأنا تووووي ماابتديت ..!!

-----
محبتكن ناصحة...

راااااااااااائع جداً غاليتي ...
أنتِ كاتبة مبدعة ... لديك رقة في الأسلوب ...
فاحافضي حبيبتي على هذا القلم المبدع كي تنفعي الناس به ...

أسأل الله ان يديم عليكِ هذه الموهبة الرائعة ..

محبتك في الله ..
*شمعة الحياة*

غاليتي ..شمعة الحياة..
تتويجك الأول لمتواضعتي بادرة جميلة ووقع عذب ..
فجزاك الله خير الجزاء...
محبتك ناصحة..