بسم الله الرحمن الرحيم
انا لى صديقه احبها كثيرا ولم ادرى كيف اساعدها
هى كانت تمارس ما حرمه الله سبحانه وتعالى
وهو (الزنا) وانا قمت بتقربها من الله وخلتها تصلى لكن الشخص اللى بتحبه هو اللى بيمارس معها هذه الفاحشه
وهى فى خلال معاشرته لها اكثر من مره لم تفقد عزريته!!!!! ولكن هى مطيعه اوى لكلمى لكن هى لم تعد تقدر ان تبتعد عن هذا الطريق وعن هذا الشخص
وطبعا مفيش ولد يفعل كده مع بنت ويذهب لزواجها !!!
فانا اخاف عليها من عقاب الرب جدا جدا جدا
فهل يحق لها الزواج من هذا الشخص عرفى لكى تجتنب غضب الله
اما ماذاافعل معها؟؟؟؟؟


ملحوظه: هى لم تقدر على البعد عن هذا الطريق

ملك ايه يابنتى الكلام ده عرفى ايه وكلام فارغ ايه اتقو الله وقولى لصاحبتك تتقى الله وتعود لربنا ومدام هى لم تفقد عذريتها يبقى تستغفر وتترك الطريق ده


ربنا يعافينا ويرحمنا يارب وياملك ليه تصاحبى بنات زى كده ياحبيبتى اختارى صديقات يعينوكى على طاعه الله ربنا يهدينا ويهديكو

نسأل الله السلامة والعافية لنا ولك ولصديقتك..

كنت اقرأ فتوى في هذا الشأن أتمنى أن تقرأيها وتنقليها لصاحبتك..
نسأل الله لها الهداية..
وأن يجنبك صحبة السوء..

http://63.175.194.25/index.php?ln=ar...QR=60269&dgn=4

لا حول و لا قوة إلا بالله ..
ذكريها بآيات الوعيد الشديد لمرتكب هذه الفاحشة ..ذكريها بالموت ...فالتتصور نفسها تموت و هي في تلك الحالة ..

الزواج العرفي غير جائز بالصورة التي أعرفها تحدث في مصر ..و إليك هذه الفتوى
http://63.175.194.25/index.php?ln=ar...QR=45663&dgn=4

أصلح الله أحوال المسلمين..

لا حول ولا قوة الا بالله
شوفي اختي العزيزة ملك انت لازم تقنعيها بالابتعاد عن كل ما يغضب الله عز وجل
مش ممكن يتكرم علينا بنعمه واحنا نعتبرها ولا شيء
شوفي انا بكلمك انطلاقا من تجربة شخصية حدثت لي في هذه الايام
انا امراة متزوجة وعندي ابنة والحمد لله اكبد اني ارتكبت ذنوب(كذب -نميمة-غيبة) وانا جاهلة اني بارتكبها وخاصة في مثل سنك
لكن من نعمة ربي عليا انه حفظني من اني ارتكب المعاصي او الفواحش
وبعد ما كبرت وبدات اعرف ديني شوي شوي عرفت غلطتي وبقيت بحاول ابتعد عن هذه الذنوب وغيرها
لكن زي ما قلت لك انا في الايام الاخيرة ذه مرضت بمرض خطير في رجلي لدرجة كان ممكن تبثر اذا لم تستجيب للعلاج وكنت احس بالم يقطع رجلي وكنت خايفة اوي من انهم يقطعوا رجلي وفي ظل الظروف ذه قلت لنفسي شوف انا خايفة ازاي على رجلي وازاي انا بتعدب بالم وذه الم فظيع بس في الدنيا يا ترى ايه حيكون عذاب والم الاخرة
ازاي حاقدر استحمل ان رجلي ذه اللي انا خايفة عليها انها تتكوي بنار جهنم (اللهم انا نستعيذ بك من عذاب القبر وعذاب النار)اللهم اميييييين
ممكن تقولي هي رباط ليه بتحكي لي قصتها ذه عشان تاخذيها مثل لصديقتك
وكمان في حاجة ثانية لازم تبعد عن الزواج العرفي لانه غير شرعي لانه لا يتم على منهج المصطفى كما انه لا يتم بقواعد الزواج العرفي (يعني حضور الولي والشهود)
وحثى لو نفترض انها زي ما بتقولي بتحبه ومتقدرش انها تستغنى عليه (مع اني متاكد ان الكلام ذه فارغ ومالهش معنى )
لازم انها متكنشي انانية تفكر في نفسها وبس
لنفترض اننا مشينا معاك في الخط وقلنالك العرفي كويس(اؤكد لا ولا ولا ولا اؤيدك على نصحها بالزواج العرفي فهو غير شرعي)هي لن ولن ولن ولن تضمن حياة سعيدة ومؤمنة مع هذا الشخص
كما انها مع الوقت ضروري ستنجب منه فاين محل هؤلاء الابناء من القانون
ان القانون لا يمنحهم حقا قانونيا
لن يتمتعوا حثى بالحصول على شهادة الميلاد
وعند سن الدراسة لن يتمتعوا بحقهم في الدراسة
وعند الكبر والزواج وغيرها من الامور الحياتية الاخرى




فلله ابعدي صديقتك عن هذه الطريق واطلبي الله ان يهديها


وارجو من كل من قرا هذا الموضوع ان يتقي الله في نفسه وفي الناس
اتقوا الله عباد الله
ذه ربنا كرمنا على جميع خلقه بالعقل
مش لازم نبقى احنا اذل واخبث واحقر خلقه
فلا تطلقوا العنان لشهواتكم وتنسون يوم الحساب
يوم لا ينفع نفس الا عملها الصالح
يوم يحاسب كل عضو في جسمنا عما فعله








اللهم انا نسالك الهداية لنا
اللهم اهدي جميع بنات وابناء المسلمين يا رب
اللهم اااااااااااميييييييييييييييين

بسم الله الرحمن الرحيم السلام عليكم ورحمة الله وبركاته ايش هذه السالفه الله لايبلانه لازم تبلغين عليها تشوفين المنكر وتسكتين هذا عليه حد مو لعب عيال هذا أمر جدا خطير لا حول ولا قوة الا بالله .

بسم الله الرحمن الرحيم

جرى ايه يا ملك ؟؟؟ بذمتك انتِ مقتنعة باللى انتِ بتقوليه ده من الاساس ؟؟؟ ولاّ انتِ عايزة فتوى تعمل لك من الفسيخ شربات ؟؟

يا ملك انتِ فى عمر بنتي واكيد كل اللى ردوا فوق انتِ مثل بناتهم او اخواتهم الصغيرات جداً وخايفين عليكِ وعلى كل من هي فى مثل سنك وصديقتك هذه اكيد وحدة منهم طالما محسوبة علينا مسلمة فلازم نخاف عليها ونوجهها .

أجيب لك من الآخر ... انت بتسألي هل الزواج العرفي يرفع عنها إثم الزنا أم لا ؟ صح ؟؟؟

طيب ،، الاخوات وكل منهن على حدة جابت لك احكام الزواج العرفي ... وانا حاقولها لك بالبلدي .. اللى هي ناوية تعمله ده ما ينفعش .. واخذة بالك مااااا ينفعش

لييييييييه ؟؟ لانها زي انتِ عارفة وانا عارفة انها لن تخبر والدها بالموضوع ، صح؟؟ هنا مربط الفرس الاول : زواج من غير ولي حراااااااااااااااااام .. وكمان قال صَلَّى اللَّهُ عَلَيْهِ وَسَلَّمَ : " لا تُزَوِّجُ الْمَرْأَةُ الْمَرْأَةَ وَلا تُزَوِّجُ الْمَرْأَةُ نَفْسَهَا فَإِنَّ الزَّانِيَةَ هِيَ الَّتِي تُزَوِّجُ نَفْسَهَا "

اثنين : هو حيجيب شهود منين ؟؟؟ زمايله فى المدرسة ولاَ اثنين صيّع من على القهوة بخمسين جنيه النفر ؟؟؟؟
بلاش دي ،، نقول هو بسلامته حيدفع لها مهر ؟؟؟ لا طبعاً .. والمهر من شروط العقد الاربعة التى لا يصح الا بها وان قلّ .

عمركيش سمعتِ عن حدوث حمل والبنت مازالت عذراء ؟؟ عمركيش سمعتِ عن وحدة بتحمل وهي مداومة على الحبوب ؟؟؟
اكيد سمعتِ .. طيب ان حصل معها ذلك حيبقى ازاي الحاااال؟؟؟؟
إجهاض ؟؟ ولاّ البطل حيطفش بعدما يقطّع الورقة ويقول لها ماما فى العشة ولاّ طارت ؟؟؟

ومليون الف حاجة لولا اننا فى الركن الاسلامي لكنت قلتهم لك ..

كل ده عشان وحدة قليلة حيا مش قادرة تمسك نفسها لحد ما تتزوج ؟؟ ايه المسخرة دي ؟؟ هو احنا فين هنا ؟؟ يا شيخة ده حتى هنا فى قلب اوروبا لو وحدة فى السن ده عملت كده ابوها يدبحها ...
انتو ليه بتسمعوا صوت دماغكم وبس ؟؟ ليه يتعتقدوا ان لو اللى اكبر منكم سناً قال حاجة يبقى موضة قديمة ؟؟
ليه مش بتتعظوا من اخطاء الغير ومن عصارة تجارب المجربين ؟؟ ليه فاكرين انكم اذكى واكثر حظاً من اللى صار معهم المشاكل وان معكم كله حيمشي تمام ؟؟!!!

اكيد سمعتِ مؤخراً بقصة الزواج العرفي التى شغلت الرأي العام عندكم فى مصر " قضية الحناوي" ؟؟ ما بتاخذوش العبرة ليه ؟؟ بذمتك الناس المحترمين فى عيلتكم قالوا عنها ايه ؟؟؟ ابوكِ قال ايه ؟؟ امكِ قالت ايش ؟؟

يا بنتي .. اهدوا شوية وفكروا فى دراستكم مستعجلين على وجع القلب ليه ؟؟ والله ثم والله لتندم صاحبتك هذه لما تشوف اللى فى سنها كلهم تزوجوا بطريقة محترمة وهي قاعدة فى البيت معنسة عشان نص ساعة فى الاسبوع ما قدرتش تمسك نفسها عنها
هل ده جزاء ابوها اللى وثق فيها ودخلها مدارس تتعلم زي الناس انها تحط راسه فى الطين ؟ هل ده جزاء امها اللى سهرت الليالي عليها فى مرضها ودراستها وتتمنى تشوفها احسن بنت انها تفضحها قدام الله وخلقه كده ؟؟؟ افرضى حد من اهلها عرف الموضوع وطب ساكت مات .. حيبقى ايه عملها ساعتها ؟؟ عملها اسود ومنيّل

لاحطي اني قلت كل ده ولم اتكلم عن الله وغضبه وعن الآخرة وعن ملك الموت المتربص لها فى لحظة ينتظر الأمر
ولن اتكلم عن ذلك فأخواتي كفّين ووفّين ،، كما يبدو انها لا تهتم بذلك كثيراً فما كانت لتقول مش قادرة وهي تعلم مدى حرمة ما تقوم به .. لكن لكلٍ وتره الحساس ولعلي عزفتُ عليه .. والا فليكن من الردود القادمة ما يصادفه عزفاً فيصيبه .

ولا حول ولا قوة الا بالله العلي العظيم .. اللهم احفظ بنات وشباب المسلمين !! sid