لسلام عليكم ورحمة الله وبركاته

أنا عارفة إن فيه قسم يختص بالمشاكل الاجتماعيةا ...لكن اللي أكتبه الحين يختص بالدين
وقلت آخذ رأي أخواتي في منتدى لك

حبيباتي السالفة وما فيها.. إنه عرض علينا خادمة للعمل لدينا
بصراحة لمن شفت هذي الشغالة عند ناس ما كنت مرتاحة لها أبداً والحين يعرضونها علينا.. لكن كانت المفاجأة إن هذي الخادمة كافرة.. قالوا خذوها وعلموها الإسلام لأن ودها تسلم لأن أختها وزوج اختها مسلمين فودها تسلم مثلهم.


وطبعاً ما يخفى عليكم قد ايش الأجر للي يسلم على يده أحد... فهذا شجعني من ناحية
ومن ناحية ثانية.. أنا أكره الشغالات وهذي زود على كذا كافرة وما أتطمن لوحدة كافرة تدخل بيتنا وفي نفس الوقت ودي أعلمها الإسلام لأن أول مرة يعرض علي عرض مغري زي كذا...


وأنا الحين قلت كل اللي عندي فياليت تساعدوني..
واذا تشوفوا إني آخذها أفضل... وشلون أبدأ معاها في تعليمها الإسلام.

تحياتي ..

بايبي الي راح تساعدني
إنشاء الله يكون لها أجر
الله يوفقكم.. المسألة مستعجلة

اختي لحن الرحيل
رائع جدا ان تعلميها الاسلام وتساعديها تكسبي الثواب العظيم ان شالله
بس طالما انك من الاول ما كنتي مرتاحة لها من اول ما شفتيها فانا انصحك انك تستخيري الله في امرك
وممكن كمان اختي تسألي الجماعة الي كانت عندهم سابقا
وتستفسري منهم عن اخلاقها لو كنت شاكة فيها
ولو ما كان عليها غبرة
فلا باس اختي ساعديها انتي في اسلامها
واحتسبي الله في امرك لتكسبي ثواب عملك
والله أعلم بما في الصدور
يعلم خائنة الاعين وما تخفي الصدور

طيب حاولي تجيبي كتب عن الإسلام بلغتها..

ايناس تسلمي ياعمري عالمساعدة...
فكرت في كذا بس الظاهر إني ماراح آخذها

------------
نيومون شكراً على إطلالتك المنورة مثلك
المشكلة مو في الكتيبات .. المشكلة آخذها ولا لا