السلام عليكم ورحمة الله وبركاته .-
حبيت اطرح موضوع اكيد انه عزيز عليكم كلكم وهي ذكريات الطفولة وبراءتها
واتمنى ان كل واحد يدخل يقول مواقف طفوليه حلوه واحلى شئ في الطفولة البراءة وعدم تحمل المسؤلية وضيق العالم محصور بدمية وفستان وحلوى
بس كبرنا بدت احزاننا

ياليت ان الزمن يرجع ورى وإلا اليالي تدور
ويرجع وقتنا الأول وننعم في بساطتنا
زمان اول احس انه زمان صادق وفيه شعور
نحب ونخلص النيةوتجمعنا محبتنا
زمان مافيه لا غيبة ولا حتى نفاق وزور
ياليته بس يرجعنا ونسترجع طفولتنا
صغار قلوبنا بيضا ونعيش بعالم محصور
ولا نعرف ابد اغراب ماغير عيال حارتنا
صحيح صغار بالتفكير ولكن ما علينا قصور
نخطط نكسر العبة وتسعدنا شقاوتنا
نروح المدرسة بدري ونضحك داخل الطابور
نحاول نزعج العالم بروحتنا وجيتنا
وعشان نأخر الحصة نخبي علبة الطبشور
نشاغب بس بالأخر تميزنا براءتنا
نحب الضحك والهيصة نحب انط فوق السور
نفرفش ليه ما نفرفش مادام الضحك عادتنا
ولكن دارت الدنيا وبان الخافي المستور
وصار الهم متعلي على قمة سعادتنا
كبرنا وصارت الدنيا تصف احزاننا بالدور
وتهدينا الألم والهم غصب عن عين رغبتنا
تعبا من بلاوينا احد ضايق واحد مقهور
وكلن غارق بهمه وبالأخر تشتتنا
وانا ماقول غير الإياليت الزمان يدور
ويرجع للورى فترة نعدل وضع عيشتن


وحبيت بها الأجواء المشحونة بنكد الحياة وروتين المشاغل اليومية نستطرد احلا ذكريات الطفولة
مرة وانا بأول ابتدائي
كان وقتها الأطفال يحبون يطلعون كذبات وقالو ان يوم القيامة اليوم !!!!
انا انهارت اعصابي وقمت اصيح انا وزميلاتي والمشكلة ههههه انهم يقولون تقوم الساعة وحدة الظهر والله ماني ناسية
وللأسف عندنا ابلا قاسية سألتها وقلت ابلا صحيح القيامة اليوم الساعة وحدة الظهر ضحكت بأستهتار
وقالت ايه
انا بكييييييييييييت احسب يصير زلزال هههههههههه وهي اكبر من الزلزال نسأل الله السلامة
لحد ما جانا بنات من المتوسط جزاهم الله خير وسكتونا وخبرونا انها كذبه ههههههههه
عسا موقفي يعجبكم .
بس للأسف الصغير ماينسى انا للحين حاقدة ع البلا ما اعتبرتني بنتها والله حرام المفروض تدرس شباب مو بنات واطفال بعد .


ا

والله انتي صادقه ليت ايام زمان تعود

الله وناسه أيام الطفوله
من جد كنا نعيش ببراءه وحب
يــــاحلوها ليتها تعود
أفتكر مره الابله كتبتنا تعهدات اكثر الفصل وانا من ضمنهم واحنا في خامس ابتدائي عشان العريفه<<ههه من زمان ماوقفت عريفه ..
كتبتني من ضمن المشاغبات وانا مررره خايفه احد يعلم امي وكانت بنت خالتي معاي في المدرسه وهي كمان الابله مسكت معاها اشرطت فديو هي وصحبتي لجون ياحبيلها يسعدها ربي بس هاه لايروح بالكم بعيد اشرطة افلام كرتون وكانوا مره يبكون مره الاخوات خايفات ههه رحت لها وقلت لاتعلمي امي اني كتبت تعهد وانا مااعلم خالتي عن الاشرطه قالت خلاص حتى لو تزاعلنا ومشينا على هذا الاتفاق وكل حفل امهات بطني كأن به قالب ثلج مررره كنت اخاف ان الابله تعلم امي <<هه خوافه من يومي الى ان وصلنا المتوسط بعدين اعترفنا لأمهاتنا ومرة بسلام يااااي مره بريئات كنا خخخ ..
وافتكر مره بأولى ابتدائي صحبت اختي كانت ثالث ابتدائي وجاها رمدت في عيونها وكنت امر من جنبها بسرررعه واتخبى عنها عشان ماتشوفني كنت اخاف منها عشان الرمد اللي بعيونها ههه مره خوافه ..
.............. لو بجلس احكي الى بكره ماخلصت الذكريات ..
جزاك الله خير اختي موضوع في قمة الروعه ..

الحبيبة
العجورية
ممنونة لكم واشكركم ع المرور بس ماعندي لازم ابي اي ذكرى حتى ولو انتي رضيعة هههههههههههههههههه وحدة
دمها ثقيييييييل
اسومة ههههههههههههههههههه موقف صدق يضحك وقاعدة اتخيلك بالشرايط والظفايرالله يرحم ايام الظفاير يوم كان فيه ظفاير أي (جدايل)
اشكرك جدا.

هههه وكمان لاتنسي ياحنين الذكرى الابله لمن تقول((كل وحده عريفه على تفسها)) ههههه ..
والله مره وتاسه ايام الطفوله ..
الله مررره اجب الذكريات ..

أنا لما كنت بصف أول وثاني ابتدائي كنت أحسب انه فيه عمال صعدوا على سلالم طويلة ومعهم صبغة زرقاء ولونوا السماء وكل مدينة لها عمال خاصين فيها وهكذا وكنت أقول بنفسي واو تعب عليهم هذا الشغل ؟؟غبية صح!