مرحبابك حبيبتي في عمان والله اتنورينا بالنسبة للحرارة في عمان مرتفعه مثل باقي دول الخليج بس بتكون شوي الطف من حبيبتنا السعودية يعني جيبي ملابس صيفية اذا كنت بتزوري الشمال أما اذا كنت رايحة الجنوب يعني صلالة جيبي شوي اثقل مو كثير خاصة اذا كنتو بطلعو الجبل في صلالة ( كنزات خفيفة وبنطلونات جينز حق الاطفال أما الكبار عادي حتى الملابس الصيفية تنفع )
بالنسبة للأماكن السياحية في الشمال عمان
مسقط من غير منازع رائعة بشواطئها وحدائقها وخاصة حديقة القرم الطبيعية ومجمعاتها التجارية واماكنها الاثرية ويوم توصلوا عمان بالسلامة ألف من يدلكم تراه أهل عمان طيبين وبسيطين ويعجبوكم.
ف منطقة الباطنه >> نخل,الحوقين,وادي الابيض+ رمال الابيض+السوادي,عين كسفه+عين ثواره ....الخ واذا زرتينا في الباطنة انا منها واذا حبيتي تواصلي معي وبزورك الباطنة شبر شبر
منطقة الشرقيه >>> بديه(رمال الشرقيه ) ,مصيره ,محوت,خضرا بني دفاع, وادي الطائين , وادي بني خالد, الاشخره, راس الحد, راس الجنز, طيوي, وادي شاب , بمه ...الخ
منطقة الداخليه >>> بدبد, سمائل,فنجا, العمقات, نزوى, جبل الاخضر, جبل شمس ,بركة الموز, وادي بني رواحه , وادي غول ....الخ
من الاماكن الرائعة في عمان الشويمية وشربثات واصيلة والاشخرة خور جراما منطقة الخيران في مسقط كهف الهوته جبل شمس الجبل الاخضر واجد مافيني بارض اكتب
شواطيء عمان كلها قمة في الجمال
ينقصها الخدماااااااات ولكن فيه شواطئ في مسقط مزودة بالخدمات مثل شاطئ القرم الرائع شخصيا أحب تمشى فيه

أما الجنوب( صلالة ) وخاصة منتصف شهر 8
الجنوب يبعد عن مسقط يوم كاملة بالسيارة يعني اذا طلعتي الساعة 5 الفجر بتوصلي صلالة 2 الطهر وبالطائرة 45دقيقة فقط
انصح بزيارة الجنوب ررررررررررررررائع مره
واكييييييد صلالة اجمل منطقة سياحية في عمان والخليج ان لم يكن عربيا بدون اي منازع
فيها شلالات غايه الروعه جبالها الشامخه ولا اروع بختصااااااار جمال خيالي ولا في الاحلام
صلاله غييير غييييييييييييييييييييييير تقولون وادي وغيره يكفيكم وادي دربااااات ينزل منه الشلالات
كما ان هناك نافورات طبيعيه في شاطئ المغسيل الرائع وغيرها وغيرها لو قلتها مابخلص
عذرا معزومة على الغداء بكمل بعدين عن الفنادق

مشكورة الاخت ما قصرت بارك الله فيها
الله يوفقك اختي رهف

يعطيك ربي الف عااااااااااافيه على المعلومات الروووووعه وان شاءالله بكتبها عندي ونزور الي نقدر لله يجزاك الجنه ياقلبي وهذا العشم في بنات السلطنه

حنى ان شاءالله راح نكون في صلاله انا صراحه ودي اشوف المغيسيل احسه رووعه
اممم لاكن المشكله راح نجي من الرياض لصلاله بالسيارهـ مافيه حجوزات الله يعين بس ويسهل علينا
انتضر منك الفنادق وابغاها تكون بالجوب يعني في صلاله

لقيت من النت هذي الارقام ياليت تفيديني ايهم أحسن وسعرهـ معقول وموقعه حلوو

مراحب فنادق هلتون كلهن نار وكروان بعد وكل إلي ذكرتيهن الحين صعب تحصلي حجوزات فيهن رغم إنهن اجمل وانظف بس إخر وحده في رخيوت وما انصحك تحجزين فيها والشقق الفندقية روعة بس نفس الشي فيه شقق درجة أولى وشقق درجة ثانية وثالثة وتتراوح الاجارات من 40 ريال عماني الى 120ريال بس فيه شقق تأجرها المكاتب العقارية في صلالة الجديدة وحي السعادة والدهاريز وسوق الحافة وعوقد والمناطق المحيطة بمركز البلدية الترفيهي وسهل أتين وهذه الشقق للمواطنين وأحيانا بيوت المواطنين الي يطلعو منها في فصل الخريف ويأجروها وتتراوح ما بين 25ريال عماني و70ريال وهي مره حلوة وبعد نظيفة الى حد ما بس انتي ركزي ما تختاري أول شقة تشوفيها لأن المكاتب تبدأ تراويك الشقق الي ما عليها أقبال وبعدين أطلع الشقق الحلوة خلي بالك بس انتي كل ما تشوفي شقة قولي ما شي أحلى ونظف منها وهم بيدورولك عندهم كثير خيارات ( بصراحة احنا المواطنين نفضل هذا النوع من الشقق . واذا كنتي انت وزوجك بس وما فيه عيال فيه بعد ياجروا غرفة مفردة مع حمام الله يكرمك وبعد اسعارها من 20الى 30في الليله واجازة ممتعة في ربوع صلالة اختيار موفق وتوقيت مناسب وهلا بكل أهل السعودية والخليج والعرب كلهم

رفع
×××