السلام عليكم مرحبا الغاليات والعزيزات بنات حواء في كل بقاع الوطن العربي

حبيت أخبركم إن جارتنا اليوم توفت الله يرحمها
والسبب بعيد الشر عنكم وعن السامعين مرض السرطان
وطبعا أنا كتبت لكم عنها قبل بس للتذكير راح أذكركم بالسالفة
جارتنا الله يرحمها كانت تعاني من السمنة وظلت تسوي ريجمات بس إعتمادها الأول والأخير على الأعشاب المسهله اللي تساعد على تخسيس الوزن بشكل أسرع .. لأن أعشاب تخفيف الوزن مواد مسهله .. المهم مع مداومة جارتنا على أعشاب تخسيس الوزن صار المعده مع الوقت كشط وكشط وكشط من كثر مال الأعشاب تسوي إسهال صار جدار المعده ينكشط لحتى سبب لها إلتهابات وإصابتها بمرض السرطان .. والله يرحمها ماخلت مستشفيات داخل الدولة وبرع الدولة ومن سنه وتراكض لكن بلا فائدة وكان الدكاتره يقولون لها ماشي فايدة واليوم طبعا توفت الله يرحمها والصراحه هالإنسانه كانت طيبه وحبوبة وخلوقة والله قطعت قلبي يوم الوالدة خبرتني عن وفاتها وقمت أصيح لكن ماأقول إلا الله يرحمها ويغفر عنها ويخفف عنها عذاب القبر ويدخلها فسيح جناته
لأنها عنجد تعذبت كثير
والله يصبر زوجها وعيالها وأهلها
وإدعولها بالرحمه ياخواتي
وياليت كل إخت تتعض من اللي تجوفه وتسمعه في هالدنيا .. ماتروح تركض وراء خلطات التخسيس والمسهله
والله يرحم جميع أموات المسلمين
اللهم آمين
مع السلامة