اخواتي السلام عليكم


وزني 77 وطولي 164 سم

انا اعرف انه وزني زايد كثير عن طولي

ارجوكم ساعدوني للحصول على وزن مثالي

اريد ريجيم حلو و مريح وسهل وفي نفس الوقت يخسسس بسرعة

اريد تمارين تشد الصدر والبطن ،،،، ( هل الريجيم يقلل من حجم الصدر والبطن والفخذ)

هل بامكاني ان انزل وزني ... ارجوكم شجعوني ،،، خاصة اني مدمنة ارز ووجبات سريعة ،،، ومين حب تبدأ معايا ريجيم نشجع بعض

بسم الله الرحمن الرحيم
السلام عليكم ورحمة الله وبركاته
اختي( لين الشرق)
اولا اهلا وسهلا بيج معانا
انا طولي (164) ووزني كان (77) يعني فعل ماضي والحمدلله.قبل عشرة ايام سويت ريجيم (5 في 5)وراح
اشرحلج كيف تسويه
(اليوم الاول ) زبادي (الفطور والغدا والعشا وكل ما تحسين بالجوع تاكلين زبادي وتشربين ماي كثير
(اليوم الثاني) بطاطا مسلوقة بدون اضافة الملح (الفطور والغدا والعشا تاكلين بطاطا مسلوقة
(اليوم الثالث)دجاج مسلوق او مشوي بدون اضافة الملح (الفطور والغدا والعشا تاكلين دجاج مشوي او مسلوق
(اليوم الرابع)يوم الجزر الفطور والغدا والعشا تاكلين جزر
(اليوم الخامس)يوم البرتقال يعني الفطور والغدا والعشا كله برتقال
وقبل الفطور لازم تشربين ماي كثير من (6 -8)كوب وممكن تشربين الشاي الاخضر وتمشين من( نص ساعة
الى ساعة) وكل يوم وان شاء الله راح تلاحظين بنفسج النتيجة الحلوةاللي تفرحج .
قبل عشرة ايام وزني كان 77 بس هسة صاير 68,5
بالمناسبة انا سويت هذا الريجيم مرتين وكان عندي راحة يومين وبعدين بديت بالريجيم نفسه والحمدلله ماكو اي مشاكل بالعكس انا لاحظت هذا من قياسات ملابسي من (42 الى 38 )وحتى اولادي وزوجي لاحظوا هذا الشئ
انا اسفة اختي طولتها عليج بس حبيت انطيج بعض المعلومات عن الريجيم
وان شاء الله الاخوات بعد ما راح يقصرون معاج
واي سؤال انا حاضرة .

أهلييين اختنا لين الشرق

يا حلاة اسمك والله

اول شيء ، المسألة بالاساس تعتمد عليج

فكري لييييييييييش تبين تضعفين ؟؟؟ عشان مناسبة او عرس او فستان ؟؟؟ والا عشان صحتك ونشاطك ورونقك ؟؟؟؟

اذا كانت الاجابة الاولى أكيد يفيدك الرجيم القاسي لانك راح تضعفين بسرعة ولــــــــــكن أعتقد بمجرد تركك له راح ترجعين لمثل ما كنتي او اكثر ؟؟ صح خاصة انك راح تشتهين كل شيء





أذا كانت الاجابة الثانية ، انصحك تتبعين ريجيم نصف قاسي ولمدة محدودة مثل ريجيم الاخت اللي ذكرته فوق ، او ريجيم التمر واللبن لعدة ايام ،، بس لاااازم تتبعينه بتخفيف واتحطين في بالك انك راح تستمرين بهذا الشيء حتى لو نزل وزنك 10 كيلو



المهم اتحطين في بالك انه صحتك اهم شيء في الدنيا وانه الاكل مو طاير ، اللي اليوم ما تاكيلنه راح تاكلينه بكره وبكمية أقل بعد ،، فاهمتني ؟؟

الله يوفقج وحياج الله

لا تكتئبي اختي انت لا تعاني من سمنة زائدة
ارفعي الماكولات السريعة واكثري من الخضار و اكثري من الحركة سيعود وزنك تلقائيا للوزن المطلوب فالتعب النفسي يؤدي الى زيادة الوزن

اختي اكيد في حل لان وزنك مش كثير يعني ان شاء الله بتنزلي والاخوات يفيدوك

السلام عليكم
اختي العزيزه لين الشرق
بما ان مو زايد لدرجه كبيره فانحج انج تباشرين بالرجيم قبل لا يفوت الفوت ويصبح وزنج صعب التحكم فيه

على فكره بالنسبه لرجيم الخمس ايام انا توني مخلصه منه
ونزل وزني كيلوين بس مع اني طبقته بحذافيره بدون اي خربطه

ومثل ماقالت الاخت حنونة الكويت.. يعتمد على حسب اذا تبين تفقدين وزن بسرعه والا بصوره طبيعيه وهذا افضل لأن راح يكون صحي وماراح يرجع وزنج بسرعه

بس في رجيم ينزل بسرعه وهو رجيم هوليوود اللي ينزل تقريبا كيلو باليوم انا مجربته وخواتي بعد جربوه ونزلوا لدرجة ان الكل لاحظ الفرق
هو رجيم قاسي بس بالامكان ان تفقدي خمس كيلو بالاسبوع عالاقل اذا مو اكثر
هو رجيم مضمون بس الاصعب المحافظه على الوزن المثالي عند الوصل له

اما الرجيم الطبيعي فهو الابتعاد عن النشويات والسكريات مع الاكثار من شرب العصائر الحامضه مثل البرتقال واللليمون والاناناس.. جربي وراح تشوفين الفرق واذا تبين رجيم هوليوود بلغيني وانا حاظره


تحياتي للجميع