السلام عليكم ورحمة الله وبركاته
اليوم عندي لكم مفأجاة خلطه رهيبه وقويه لازاله الدهون مش من اختراعي قرأتها في النت وقلت اجربها مش خسرانه حاجه صاحبه الخلطه قالت انها للبوتجاز والسيراميك انا جربتها للبوتجاز وكانت حلوه وغسلت فيها عيون البوتجاز بس للامانه نظفت بنسبه كبيره جداً بنسبه 90٪ اختكم طماعه كنت حابه ان الاصفر يرجع اصفر بس ما رجع بس الدهون اللي كانت مستحيل تروح والله راحت وما لها اثر .
طولت عليكم صح المهم الخلطه هي ليمونه افتحيها بالسكين ولاتعصريها خل تفاح بيكربونات الصوديوم وصابون سائل فيري او لوكس وماء اغليهم ولما يغلو اطفي عليهم النار واستعملي الخلطه لما تبرد او تدفى شويه.
على فكره هذه الخلطه لاي بقعه مستعصيه انا انكبت الصبغه على موكيتي وجربت كل حاجه وما في فايده قلت اجربها وفعلاً راحت وبلا اثر وبسرعه سويت قليل منها وفركت بفوطه وبسرعه مذهله رااااحت .
لما تنظفي البوتجاز افركي العيون بالليفه السلك واذا كانت البقع صعبه انقعيهم قليل لاتزودي على شان ماينهرو واغسليهم كويس لاتخلي اثار الخلطه وكمان البوتجاز امسحيه كويس لانك اذا ما مسحتيه كويس حيتبقع عليك .
جربت هذه الخلطه لسيراميك الحمام الصراحه حسيتها عاديه ماسوت شيء .
انا حطيتها في علبه فارغه علبه سائل لوكس للصحون ولما احتاج لها اخذ منها لاي بقعه صعبه .
نسيت اقول لك لما تعبيها اعصري الليمونه المقادير مش محدده انا بسوي مثلاً كوب او كوب ونصف ماء وربع كوب خل تفاح لازم خل تفاح انا جربت خل عنب وماكان حلو بس خل التفاح ممتاز جداً وملعقه اكل بيكربونات الصوديوم والصابون السائل اللي تحبيه بس انا بعمل اقل من ربع كوب بس لوحبيتي تكثري مافي مشكله.
هذه الخلطه مش للمايكرووييف حذرتكم .
اذاجربتوالخلطه و عجبتكم امانه ادعو لي واذا ماعجبتكم برضو ادعولي .
ودمتم سالمين

على فكره نسيت اقول لكم البسو الكفوف (الجونتيات) لما تستخدمو الخلطه على شان ماتتاثر ايديكم.

ما شاء الله يا غاليه الخلطة سهلة
جزاكِ الله خيراً لمشاركتنا تجربتك و جعلها في ميزان حسناتك ..
ربي يوفقك و يرزقك كل ما تتمني ..
ودي و احترامي ..

بارك الله فيك اخيتي لمشاركتك و طرح تجربتك
مشاءالله الخلطه شكلها ممتازه و خاصه ان فيهاا ليمون
اكيد بنجربهااا

فكرة رائعة مشكورة يا غالية

تسلم ايدك اختي
فعلا دهون الافران والغاز المسطح هم عظيم
عندي استفسار لو سمحتي
خل التفاح الي استعملتيه هو الخل العاديالي فالسوق ولا الطبيعي
بارك الله فيكي