السلام عليكم يا احلى منتدى و اطيب ستات , اشتقت للجميع و الله و جاييتكم و مثل ما بنقولها ( داخله على رب العالمين ثم عليكم )
انا ولدت من 8 شهور وبنتي ماخده كتييير من وقتي و وقت اخواتها , الاسبوع القادم رح يكون دوام المدارس عنا و حاسه حالي لايصه مو عارفه كيف بدي ارتب وقتي , بصراحه عجزانه عن تنظيم وقتي بالبيت و وقتي لبنتي و لنفسي , كل ما بحط ورقه و قلم و بكتب جدول بلاقي حالي بدي 24 ساعه تانيين عشان انهي اموري و اخلص شغل و مسؤوليات
يا ريت تساعدوني و تفيدوني باقتراحاتكم و خبراتكم , و للعلم رح يكون عندي شغل البيت و الطبخ والاهتمام بالصغيره و احضار البنات من المدرسه و حفظ القران و النادي الصحي و كله مهم ما في شي ممكن ااجله او استغني عنه و حاليا ما عندي خادمه تساعدني حتى لو يوم بالاسبوع و بناتي دروسهم كتيره و الكبيره توجيهي , يعني وضعي رح يكون صعب و هلأ رح تقولوا حلي عنا روحي دوري على حدا تاني يساعدك , و انا بقول لكم بليييييييييييييز يا صبايا , و الله يرضى عليكم و ينولكم مرادكم ساعدوني ,,,,
انا بانتظار ردودكم حبيباتي لاتردوني خايبه.

مرحباً بكِ أختي نورتي
و الله يعينك على مسؤلياتك و يوفقك
أختي لازم تنظيم و تحددي لكل شيء وقت أحفظي قرآن و بنتك بجوارك عادي أكيد مو كل الوقت بتبكي ..
لما تكون نايمه ممكن تخلصي عمل البيت
تقدري تساعدي بناتك في الدراسة و انتي بتقومي بعمل البيت مو ضروري رح تقعدي معهم كل الوقت
أو تراقبيهم و هما بيذاكروا دروسهم و انتي تقومين بحفظ القرآن
لا يوجد شيء صعب يا غالية بالتنظيم و الترتيب رح تتوصلي للحل
و أكيد البنات رح يساعدوكي
ودي و احترامي

الله المعين اختي كلنا مرينا بهالفترة الصعبة والله بيسرها

بتمنى يفيدك هالرابط او الاخوات يلي مروا بتجربتك ينصحوك اكتر

o0o0o0o0جدول تنظيمي خاص بالحوامل والنوافسo0o0o0o0o0

آزال العريقة

مرحباً بكِ أختي نورتي
و الله يعينك على مسؤلياتك و يوفقك
أختي لازم تنظيم و تحددي لكل شيء وقت أحفظي قرآن و بنتك بجوارك عادي أكيد مو كل الوقت بتبكي ..
لما تكون نايمه ممكن تخلصي عمل البيت
تقدري تساعدي بناتك في الدراسة و انتي بتقومي بعمل البيت مو ضروري رح تقعدي معهم كل الوقت
أو تراقبيهم و هما بيذاكروا دروسهم و انتي تقومين بحفظ القرآن
لا يوجد شيء صعب يا غالية بالتنظيم و الترتيب رح تتوصلي للحل
و أكيد البنات رح يساعدوكي
ودي و احترامي

o0o0o0o0جدول تنظيمي خاص بالحوامل والنوافسo0o0o0o0o0

من خلال خبرتي اشتغلى الضرورى فقط اطبخى اكل سهل يعنى الصوانى فى الفرن ما بتاخذ وقت و لما تطبخى اى طبخة كبري الكمية و احتفظى بالباقى فى الفريزر لوقت العجلة لما ينام طفلك حاولى تشتغلى الاشياء الصعبة و اطلبي من اطفالك يساعدوك ربع ساعة من وقتهن مش راح تضر و علميهم يغسلوا اطباقهم بعد كل وجبة يعني كل واحد مسؤول عن صحنه

حبيبتي اكثري من قول لا حول ولا قوة الا بالله لها مفعولها ومجربه