السلام عليكم صبايا ،، اتمنى ان يكون الجميع باوفر الصحة والعافية ،،

انا ست بيت ممتازة والحمد لله ،، دائما بيتي مرتب وطبخي ممتاز ،، منظمة حياتي بشكل رائع ،،

لكن انا الان حامل بالطفل الثالث والحمد لله ،، ووحامي كله نوم في نوم ،، حتى بس اقوم بكون مكسرة وما لي نفس لا بطبخ ولا بتنظيف ولا شي ،،
البيت هللا قايم قاعد ،، وظروفنا ما بتسمح هالفترة اجيب وحدة تساعدني ،، مع انه زوجي الله يرضى عليه بحكيلي اتصلي بوحدة واتفقي معاها تيجيك ،، بس انا مو حابة اتقل عليه ،،
نفسي اعرف اسيطر على شغل البيت ،، حتى الطبيخ عم بطلع من غير طعم ولا نكهة ،، كل حياتي تخربطت مع هالحمل ،،

زوجي اعمال حرة ،، يعني اغلب الوقت بالبيت ،، طبعا بدك فطور غدا عشا ،، غير عن البيت الكبير ولوازمه ،، واولادي صغار ما بعرفوا يساعدوني ،، والله هللا قاعدة نفسي اقوم عالمطبخ واخلصه ،، بس خلص ما لي نفس اشيل شي من مكانه ،، قبل يومين غسلت الغسيل وما نشرته هللا رح اعيد غسله ،، كل شي تخربط معي ،،

كتير مقهورة ،،ما بحب اشوف بيتي هيك وضعه ،، ومو متعوده على هالمنظر في حياتي ،،
شو ممكن اعمل صبايا ،،

انا في الحقيقة مررت بنفس مشكلتك كن اكره ريحة الطبيخ وكن انام طيلة الثلاثة اشهر الاولى لحملي....مرة ذهبت عند اهلي واغلب المرات كانت عندي اختي الله يجازيها بخير....
حتى زوجي كان متفهم واغلب الاكل كان جاهز او كان يطبخ هو.....
حتى ان احدى جاراتي اثق بها كانت تاتي لنشر غسيلي في السطح ...
هو انت ما عندك اختك او امك تجي تجلس معاك حتى تمر هذه الفترة على خير....
حاولي تتكلمي مع اولادك بهدوء وتشرحي لهم الامر ...
ماذا اقول غير الله يعينك انها فترة صعبة

اولا الله يتمم حملك على خير وتقومي بخير وسلامه انتي والبيبي

نصيحتي اذا عندك أخت قريبه تجي تساعدك مره وتنظفوا مع بعض كل البيت وبعدين انتي بتصير تعملي كل شي اول بأول
اذا زوجك بالبيت اغلب الوقت ممكن يساعدك شوي

ومشان الطبخ ممكن والدتك تجي تعملك كم طبخه وتحطيها بالفريزر وتصير تطلعي منها

حبيبتي بدك نصيحتي خدي فيتامينات وقوي حالك وتغلبي على شعور الارهاق وقومي نظفي على مهلك حاسه فيكِ والله

حتى الغسيل كان فيكِ طلعي من الغساله وكل ربع ساعه تنشري غرض او ممكن أولادك يصيروا يعطوكِ وانتِ تنشري او حتى زوجك ممكن يساعدك كمان

مابعرف أعمار ولادك انو صغار ومابساعدوكِ بس مهما كان عمرهم فيكِ تطلبي منهم يلموا العابهم وملابسهم لمكانهم ومايخربوا البيت لانك تعبانه

الله يقويكِ ويكون معك حبيبتي وان شاء الله فتره وبتعدي وبترجعي متل أول

الله يقومك بالسلامه و العافيه انتي و البيبي
طيب انتي ممكن تجيبي وحده بالاسبوع مره تنظف البيت حق اسبوع
و انتي حاولي ترتبي البيت خفيف و مدام زوجك بالبيت ممكن يساعدك
هذه فتره وحاام و بتروح علي خير ان شاءالله اهم شي انتبهي علي صحتك و لاتضايقي علي حالك
اكيد زوجك متفهم الوضع و بيساعدك
ام الطبخ الفطار انتي اعمليه خفيف لهم و الغذاء حاولي تعملي طبختين وحده لليوم و وحده لبكره علشان ترتاحي من الطبخ باليوم الثاني
و العشاء خلي زوجك يساعدك بعمله و يوم اكل من برااا و ان شاءالله بتمر هذه الشهور علي خير
بالتوفيق ياارب

ماشاء الله يا لجين الف الف مبروك والله يتمملك على خير يارب وتقومي بالسلامة انتي والبيبي
الاخوات ماقصرو وان شاء الله هالفترة تعدي على خير
انا كنت اموت بس حدا يطبخ ويطعميني ههههههههه بجد بتحسي الاكل طعمه غير شكل من حدا تاني

يسلموا حبيباتي على تفاعلكم ومروركم الكريم ،، وشكرا كتير مجد سلمي عالصبايا كلهم ،، وخبريهم ،،

انا ماما حجة كبيرة بالعمر الله يخليلي اياها ،، يعني انا اللي لازم اطبخلها واطعميها مش ارمي حملي عليها ،، بكفيها تعبها ومرضها حبيبة قلبي ،، وخواتي كلهم مغتربات يعني لحالي بالبلد ما عندي حدا ،،
اليوم زوجي الله يرضى عليه اصر علي اشوف وحدة ،، يارب يسهلي وحدة نظيفة وبتاخد قليل عالساعة ،، بلكن صرت اجيبها يومين بالاسبوع تشيل هم الشطف والكنس والغبرة والحمامات وانا بالايام اللي بينهم بتابع البيت ليس اكثر ،،
ادعولنا الله يباركلنا بقرشنا ،،عشان والله مو حابة اصرفه عالشغالات بس مش بأيدي ،، انا حملي من اول اسبوع لاخر اسبوع بالمرض الله يعافينا جميعا ،،
دعواتكم ،، واذا خطرتلكم فكرة من هون او من هون ،، بالله ما تبخلوا علي بالفائدة ،، لاني محتاجاها جدا