إعـــــــلان

تقليص
لا يوجد إعلان حتى الآن.

حملة تنضيف المطبخ منزليات

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حملة تنضيف المطبخ منزليات

    عنوان الموضوع : حملة تنضيف المطبخ منزليات
    مقدم من طرف منتديات أميرات

    المطببببببببببببخ .

    وده بنفس درجة الأهميه بتاعة الحمام.
    أمسك المطبخ سيراميك وخشب وشبابيك أنظفه
    من فوق لتحت يبقى زى الفل ...
    واركز على الضلف والادراج درج درج وضلفه ضلفه
    أفضى اللى فيها واللى محتاجه أخليه والعكس على الزباله على طول
    من غير ماتفكرى .
    تراجعى الحلل والاوانى فيه حاجات والله استعمالها بيجيب أضرار لا حصر لها بعد الشر
    بدل ماتصرفى فلوس على الدكاتره والأدويه من غير لازمه
    وأنتى موش عارفه ان الطبخه الفلانيه الشهيه
    اللى اكلوا صوابعهم وراها عادت لاقدر الله بمشاكل الله الغنى عنها
    كل ده بسبب الاوانى التى لاتصلح للأستخدام الآدمى
    مثلا
    الحلل الألومنيوم.........
    الأوانى التيفال
    بعد ان اتقشرت.........
    الحله الى بنقلى فيها البطاطس
    أنا موش عارفه ليه ستات كتيير متخيله ان الحله دى موش لازم
    تكون نظيفه يعنى تلاقى الحله
    زاد وزنها عن اليوم اللى اشتريتيها فيه
    أربع مرات من كتر الدهون المحروقه اللى لازقه فيها
    موش عارفه ان الابخره واعادة
    نزول هذا المواد مع الزيت والحراره بيسبب أمراض والعياذ بالله.
    وبعدين علشان خاطر اسرتك
    اللى امانه فى رقبتك ياريت الزيت كفايه عليه حرق ويتغير


    خلصتى ورصيتة الحاجه مكانها
    بعد تهوية الضلف وفرشتى مفارش جميلة فى الرف . حذارى
    من انك تضعى اى مواعين
    فى الضلف بدون تنشيف .
    لأن الأماكن الرطبه
    هى بيئة مناسبه أوى للحشرات
    كفانا وأياكم شرها.
    عايزه أقول حاجه بمناسبة
    الصراصير
    أن وجود الصرصار يساوى عدم نظافه .
    بلاش نسيب مواعين فى الحوض بالليل وأنام
    بلاش كل واحد فى ايده سندوتش يفضل رايح جاى بيه فى البيت

    أفرش ملاية نظيفه ونقعد نأكل عليها وبعدين تتشال تتنفض
    بس بلاش فوق غسيل الجيران .
    الثلاجه والفريزر
    حاولى تنضفية مرة كل شهر.
    نرجع مرجوعنا البوتاجاز
    ده حوار تانى خالص
    لازم يكون دايما زى القشطه وعلى فكره البلاوى اللى بتكون علية تساعد على نمو الفطريات.ووجود الصراصير ايضا.

    عودى نفسك دايما تغسليةبعد عمل الغدا
    انا متزوجة من 8سنوات والبوتاجاز لسة جديد وزى الفل.
    تعالى للبرنامج اليومى بيتاع المطبخ اللى هو زى برنامج الحمام كل يوم الصبح
    هاتوقفى تشطبى المواعين وتخرجى حاجة الغداء من الفريز
    وتكونى فى هذا الاثناء فطرتى
    واخدتى الشاى بتاعك وعملتى دماغ .
    توقفى بعون الله تخلص الغداء وماتنسيش وانتى واقفه
    كل ماحاجه تتوسخ اغسلها أول بأول.
    طفيت على الأكل أنظف البوتاجا.
    وهأقولك على حاجه جميله أوى شويى ديتول مركزيين ملء الغطاا
    وأوزعهم على البوتاجاز وأمسح بفوطه صغيره
    هاتلاقيه زى البنور وريحته حلوى ولاأجدعها صرصار
    يقدر يهوب تاحيته .
    فى حاجه فوط المطبخ
    بلاش الحاجات الغريبه الللا احنا بنستخدمها
    وبتبقى ريحتها وحشه علشان احنا بنتعامل معها
    على انها فوطة مطبخ وبتكون مليانه بكتيريا


    انتهيتى من كل شىء فى المطبخ هاتى شوية ماية
    على ديتول على شوية كلور وامسحى الارض
    وفى الوقت دة طلعى سجادة المطبخ فى الشمس
    ولما تتهوا وتتشمس دخليها.


    فى ناس مايعرفوش ان السفنجه بتاعة المواعين
    زيها زى اى حاجه لازم تتغير من وقت للتانى.
    العلبه التى يوضع بها الصابون لازم تكون زى الفل
    والموضوع سهل جدا .
    أنا باستخدم مثلاعلب الجلاوه أو الجبنه,
    يعنى ولا هاتكلفى نفسك أى حاجه .
    وبردة عايزة اقولك علة حاجة لازم تغسلى الشفاط باستمرار. وكمان شباك المطبخ لان ما ينفعشى ننضف جزء ونسيب جزء حاولى كل شهر
    دةهيسهلك كتير غسلهم لانهم مش هيكونو اتوسخو
    اوى.
    ولا تنشى تفرشى فوق المطبخ ورق فويل لحمايتة من
    الزيت والتراب المترسب فوقية .
    واحكيلى على انتعاشك لما يكون مطبخك نضيف. والى لقاء اخر ان شاء الله.

    دة موضوع لقيتو حبيت انقلو للافادة والاستفادة
    اسالكم الدعاء

    >>>>> ردود الأعضـــــــــــــــــــاء على الموضوع <<<<<
    ==================================

    lشكرا لك اختي كنزى
    انا اليوم والحمد لله نظفت المطبخ
    والحمد لله صار زي الفل يفتح النفس على الطبخ
    شكرا جزيلا

    __________________________________________________ __________
    يعطيكي العافيه ع الموضوع انا نضفت المطبخ و تقريبا بعمل نفس الخطوات
    و هاليومين شادة حالي بالمطبخ عشان بعد الولادة ما ارجع اتغلب فيه

    __________________________________________________ __________

    كتبت بواسطة SIRINA
    lشكرا لك اختي كنزى
    انا اليوم والحمد لله نظفت المطبخ
    والحمد لله صار زي الفل يفتح النفس على الطبخ
    شكرا جزيلا




    لا شكر على واجب حبيبتى
    نورتى الموضوع

    كتبت بواسطة toma2
    يعطيكي العافيه ع الموضوع انا نضفت المطبخ و تقريبا بعمل نفس الخطوات
    و هاليومين شادة حالي بالمطبخ عشان بعد الولادة ما ارجع اتغلب فيه



    ربنا يقومك بالف سلامة حبيبتى بس بلاش تجهدى نفسك

    __________________________________________________ __________
    شكرا جزيلا وجزاك الله خيرا

    __________________________________________________ __________
    موضوعك كنا محتاجينة بجد سلمتي علي الموضوع

    تسلمى لمرورك يا قمر


يعمل...
X