$$$ القول الفصل فى شرح غرزة الاسموكس $$$ ... "تريكو وبس" للكروشي و التريكو

aksachli

Administrator

تاريخ التسجيل: Dec 2014

المشاركات: 365533
- مشاركة
- تويت
#1

$$$ القول الفصل فى شرح غرزة الاسموكس $$$ ... "تريكو وبس" للكروشي و التريكو

01-09-2015, 08:46 PM

عنوان الموضوع : $$$ القول الفصل فى شرح غرزة الاسموكس $$$ ... "تريكو وبس" للكروشي و التريكو
مقدم من طرف منتديات أميرات

كيفكن يا أحلى عضوات
وحشتونى
بقى لى كام يوم ما نزلتلكمش حاجة جديدة

بس أنا مش ساكتة صدقونى
أنا عمالة أصول وأجول فى النت والمنتديات عشان أجيب لكم أحلى حاجات
حلو السجع ده....
ههههههههههههههههه

بصوا بأة يا حلوات الأسبوعين اللى فاتوا حصل بينا جدال واختلاف على غرزة عش النحل واللى قال خلايا النحل....
واللى انا وبعض الاخوات سميناها اسموكس

وأنا بأة كبرت فى دماغى
وربنا ما يوريكم دماغ الصعايدة لما تكبر فيها حاجة
هههههههههههههههه

أول معرفتى بالغرزة دى واسمها العلمى "الاسموكس" كانت فى الكتاب الشهير اللى انا دايماً بأحكيلكم عنه واللى أنا ما زلت مش لاقياه
بس ما علينا النت فيه الخير وزيادة

وساعتها ربكم والحق كنت لسة باتعلم تريكو واسترخمتها أو بعنى أصح استصعبتها
وقلت مالها الغرز البسيطة يعنى
بلاها تعقيد

وبعدين بأة مرت الأيام وراحت الأيام ولقيتها مرة تانية قدامى فين بأة
أيون حضراتكم على النت (بس فى منتدى تانى) وفى موضوع جميل لانسانة جميلة باحترمها وأقدرها
وهى مش غريبة عننا
هى الأخت القديرة العزيزة هنهن
بأوجه لها التحية

استنوا باة كفاية رغى يا رونا صدعتى الناس ايه ده...
أنا أنزلكم الصورة احسن

وكمان واحدة

ولأنى بأموت فى التقاليع
عجبنى الموضوع جداً وسيفته عندى عشان بعد كدة انفذها على رواقة

ولما حصل بأة الهرج والمرج ده فى تعريف الغرزة قلت لأ بأة لازم نريح الدور ونجيب أصل الحكاية
رحت باة امبارح كدة وانا قاعدة زى الباشا
عملت العينة وقلت أوريكم الشغل بتاعى
واللى حابة انزل لها الطريقة (واللى انا لقيتها فى منتدى تانى غير الأولانى) وعدلت فيها غلطة مطبعية كانت موجودة
أنا على اتم استعداد
أنا ليا غيركم يا حلوات

ودلوقتى أسيبكم مع تطبيقى للغرزة

ودى صورة أقرب شوية

أما هنا بأة فأنا لفيت العينة على كباية زجاج من عندى لأنى لسة ما عملتش حاجة على أد المج
أنا بس كنت بأجرب
فشكلها وهى مشدودة أوضح

طيب وآدى كمان واحدة مش خسارة فيكم يا قمرات

ما رأيكم دام فضلكم

أنا دلوقتى أسيبكم مع الموضووع
وأنزل جرى ألحق الشغل
وعلى ما أرجع أشوف ردود أفعالكم

والى حابة الطريقة أنزلها لها صور وشرح كمااااااااااااااااااااااان
يلا مش خسارة فيكم

بأحبكم كتيييييييييييييييييييييييييييييييييير

فى امان الله

>>>>> ردود الأعضـــــــــــــــــــاء على الموضوع <<<<<
==================================

زى العسل يا ميسترى
وجهدك رااائع فى الركن
خساره لا افقه شئ بالتريكو هما غرزتين بتوع المدرسه المقلوبه والمعدوله كفايه عليا
الغرزه شيك اوى
جزيتى الجنه

__________________________________________________ __________

معلش يا بنوتات الخيط اللى انا منفذة بيه موهير ففيه وبرة
يمكن مش مبينة التقاصيل شوية
وكمان لأن الخيط فاااااااااااااااااااتح

بس انتم شطورات
ان شاء اله هتشوفوها كويس
وتقولوا لى رأيكم

__________________________________________________ __________

كتبت بواسطة ام النونه
زى العسل يا ميسترى
وجهدك رااائع فى الركن
خساره لا افقه شئ بالتريكو هما غرزتين بتوع المدرسه المقلوبه والمعدوله كفايه عليا
الغرزه شيك اوى
جزيتى الجنه

يا ست نونة يا عسل
نهارك فل ان شاء الله
دايماً بأسعد بمساهماتك يا قمر

وهو التريكو ايه يا توتة غير عدل ومقلوب
أهى الغرزة الهيلمان دى عبارة عن 2 عدل و2 مقلوب
هى بس التركة فى حكاية لفة الخيط العرضية دى

يلا اتشجعى كدة وانوى ومع بعض ان شاء الله نعمل احلى شغل
ربنا يوفقك ويكرمك ان شاء الله

__________________________________________________ __________

دائما متالقة ياحبيبتي يامستري
الله لايحرمنة منك

__________________________________________________ __________

كتبت بواسطة السيدة فاطمة

دائما متالقة ياحبيبتي يامستري
الله لايحرمنة منك

ولا منك يا أحلى فاطمة فى الدنيا
يا رب تكون تطبيقى عجبتك

مبروك الصورة الجديدة
تبعث على التفاؤل

ايه الجمال ده كله
فنانة
ها ابعتلك المج بتاعى علشان تدلعيه كده وطبعا مش هترفضى والا
مش هيحصل طيب ابدا هههههههههههههههههه
صعايدة بقى
الكلمات الدلالية (Tags): لا يوجد