ازيكوا يا احلي بنات في المنتدي

الوقتي انا بعمل جاكيت بغرزة الصدفة وبدات في الكم
وكنت عيزة اعمله واسع شوية من فوق عند الكتف
وضيق من عند الايدين
يعني عيزاه زي المثلث المقلوب او القمع

ازاي بقي انقص غرزة الصدفة
ياريت الي عندها فكرة عن التنقص في غرزة الصدفة يقولي
واوعوا تتاخروا عليا ( شحات وبيتأمر)
انا بس عيزة انجز واخلصه بسرعة

انتى بتعملى الكم لوحدة اولاصق مع الجاكيت على طول
ممكن تنزلى الموديل علشان نعرف اكثر

بصي ياسمسم متهيالي علشان تعرفي تنقصي في غرزة الصدفة لازم الكم يكون لوحده غير موصول بالجاكيت علشان يكون مفرود وتقدري تنقصي
مثلا نقول بداتي اول سطر ب5 صدفات لما تيجي تعلي للدور التاني بتعملي منزلقة علي الصدفة الاولي كلها واول عمودين في الصدفة التانية وبتعملي الصدفة في السلاسل الي في النصف عادي وبتكملي شغل ومابتعمليش اخر صدفة حتلاقي عندك الدور بقي3 صدفاتوهكذا بتنقصي صدفة من الناحيتين لحد ما توصلي للعرض الي عاوزاه وبتكملي عادي وبعد كدتقفليه وتركبيه
اتمني يكون شرحي صح جربي كده وقوليلي وياريت لوفي حاجة غلط حد يعدلها

كتبت بواسطة ***السمحة***
انتى بتعملى الكم لوحدة اولاصق مع الجاكيت على طول
ممكن تنزلى الموديل علشان نعرف اكثر



لا الكم لاصق بالجاكيت
اشتغلت الجاكيت من غير حردات وبدات الكم عليه

كتبت بواسطة zozaa
بصي ياسمسم متهيالي علشان تعرفي تنقصي في غرزة الصدفة لازم الكم يكون لوحده غير موصول بالجاكيت علشان يكون مفرود وتقدري تنقصي
مثلا نقول بداتي اول سطر ب5 صدفات لما تيجي تعلي للدور التاني بتعملي منزلقة علي الصدفة الاولي كلها واول عمودين في الصدفة التانية وبتعملي الصدفة في السلاسل الي في النصف عادي وبتكملي شغل ومابتعمليش اخر صدفة حتلاقي عندك الدور بقي3 صدفاتوهكذا بتنقصي صدفة من الناحيتين لحد ما توصلي للعرض الي عاوزاه وبتكملي عادي وبعد كدتقفليه وتركبيه
اتمني يكون شرحي صح جربي كده وقوليلي وياريت لوفي حاجة غلط حد يعدلها



ايوة فهماكي يا زوزا
هاحاول اجربها واقولك

ميرسي لردودكم
نورتوا الموضوع

انشاء الله تلاقى اللى يساعدك سمسمه
وتخلصى الجاكت واوعى تنسى تورينا صورته
بالتوفيق حبيبتى

برئ يا باشا
اول مرة اشوف الموضوع يا سمسمتى وعلى فكرة العيب فى النت مش فى
بس للاسف يا عسولتى انا مش فاهمة قصدك فهمينى يا قمر

ممكن تنزلي الصوره سمسمه عشان نشوفه ونساعدج