اولا احبك تعرفي اني معجبه باعمالك او مشاركاتك ويتضح منها شخصيتك الحبوبه ثانيا انا اخترتك لاني احسست انك ملمه بانواع واماكن شراء الخيوط فانا عندي كذا طلب:1-عايزه اعرف انواع خيوط صيفي لعمل بلوزات صيفي تكون شيك وطبعا اماكن الشرا حتى لو في العتبه مثلا ز انا بانزل لمحل هناك قبل الغوريه اسمه ابناء الشرقيه .....2-انا باشوف بلوزات معموله من خيط قطن لكن تحسي انه مبطط مش مبروم عايزه اعرف اسمه وكمان باشوف بلوزات من خيط زي الحرير ولكن متماسك وامتن والخيط نفسه تحسي انه فيه لمعه جميله منه فيه وكلهم طبعا بيكونو في المحلات ولا استطيع السوأل ..... اسفه للتطويل وشكرا مقدما لك على كل حال 

انشاء الله ام حسين تدخل وترد على اسئلتك

ان شااء الله تدخل ام حسين وتقدم لك مساعدتها

إن شاء الله الأخت أم حسين ترد عليكي وهي كلها ذوق ومتعاونة جدا
تسمحيلي أقولك فيه محلات خيوط كتيرة في القاهرة مثلا محلات كل شيء في شارع مصطفى الحاس تقاطع مكرم عبيد قدام التوحيد والنور
وله فرع تاني في شارع هارون الرشيد ميدان الجامع في مصر الجديدة
وفي كمان محل إسمه كرنفال في مصطفى النحاس وكمان محل إسمه فتلة وإبرة برضه في مصطفى النحاس مدينة نصر
وفيه محل إسمه عبد الهادي في ميدان الجامع
وفيه كمان محل عبد الهادي في وسط البلد شارع قصر النيل وكمان بابيجيان في شارع شريف وقصر النيل
وطبعا فيه محلات في الغورية
أما بالنسبة للبلوزات الصيفي ---- أنا باشتغلهم بخيوط قطن مصر البيضا بيطلعوا حلوين جدا وفيه منه شلة 100 جرام ثمنها ستة جنيه ونص ولو بكرة بتكون سعرها حوالي 7 أنا باشتري الشلة وألفها بنفسي بتكون أوفر شوية
وبلوزة آنسة 17 سنة بحمالات اخدت 4 شلة ونص يعني 500 جرام أن شاء الله أنزلها بالصور قريب
أرجو أني أكون أفدتك شوية مؤفتا على مايجيلك رد الأخت أم حسين ---- تقبلي تحياتي

شوفي يا سيتي الخيط
المبطط ده البيضا (مصر البيضا الشلل الطويله
والخيط الي في معه الحرير ده ومتماسك
ده خيط
السلسله

اشكركم جدا جدا لاهتمامكم ومسارعتكم بالرد خاصة الاخت (راضيه بحكمه) لوصفك الهايل يعني مفيش بعد كده وماليش حجه بأه .....والاخت (فراوله) افدتيني حدا ولكن انا فعلا سالت قبل كده على خيوط مصر البيضا لاني فعلا سمعت ان الوانها ثابته وتفضل زاهيه لكن مالقتهاش..اشكرك جدا وعلى فكره انا بحب اسكندريه وكل ما فيها ... 

اشكرك (ام حسين) ولك مني كل التحيه والله يكون في العون ...
لكن انا كمان كنت باسأل عن انواع للخيط غير الحرير