بسم الله الرحمن الرحيم
باذن الله وبناء علي طلب الغاليات وعلي طلب لبنانيه بجده مشرفتنا الغاليه حانعمل دوره تريكو
انا قصدت انهاتكون في الوقت ده علشان ناخد راحتنا في التعليم بحيث نكون علي الشتا الجاي محترفات باذن الله
ياللا حضروا الابر والخيط واللي عايزه تتعلم بجد اهلا وسهلا بيها
معلش نظام المنتدي مش حايسمح بان الدوره تكون علي بعضها علشان كده حاتتقسم لدروس وده حااتركه للمشرفه الغاليه يعني ممكن تغير العنوان وتقسم الدوره علي راحتها كل ماتلاقي اننا استنفذنا عدد الصفحات والردود والله المستعان
باذن الله برنامج الدوره حايكون شااااامل لكل مايتعلق بالتريكو يعني الاساسيات والحردات وانواع الغرز والتقفيل والتشطيب وقراءه الباترون المكتوب والمرسوم مع التعرف علي الرموز الاساسيه مع عرض نماذج لشغل التريكو
في الاول طبعا كاي مدخل لدوره التريكو بنعمل تعريف بادوات التريكو واللي بتحتاجيه
حاتحتاجي ابر مستقيمه مختلفه الاطوال والاقطار وطبعا كل مقاس للابره حايكون مكتوب عليها وحاتكون مناسبه لنوع مختلف من الخيط
وكمان فيه مفاسات انجليزي ومقاسات امريكي ومقاسات فرنسي
المهم ده شكل الابر








[
وفيه ابر بليسيه


وقيه ابرللشغل الدائري ودي بتعتمد علي طول الخيط البلاستيك اللي بين الابرتين
يعني لو الخيط طويل تنفع للقطع الكبيره ولو الخيط قصير تنفع لعمل الكولات لتقفيل البلوزات ولعمل الطواقي


وقيه مجموعه مكونه من خمس اير مدببه الطرفين


وطبعا فيه ادوات مساعده زي ابر الخياطه بس انا باستعمل ابر تطريز تخينه وعينها واسعه وفيه علامات التريكو وفيه ابر الضفاير


ودي العلامات او شكل منها

مشكورة على الدورة

الله يكرمك با ام قمست بالجنه يارب
ان شاء الله انا معاكم
نفسى من زمان اتعلم تريكو واخيرا جات الدوره
عندى الابر والخيوط ومستعده فاى وقت
على بركه الله

نشوف الخيوط
خيوط صوف









وطبعا كل نوع من الخيوط له انواع
ده صوف موهير



وحرير

والقطن




وفيه انواع كتير للقطن بس لما الاقي صورها انزلها ههههه

دي نماذح للخيوط والحاجات اللي ممكن تنتجيها بيها

اهلابيكوا ياحبايبي رومه وجبال الثلج وباذن الله انا عايزه الدوره دي ماحصلتش يعني باذن الله تطلعوا منها خبيرات علشان كده مش عايزه بنت تفوت حاجه مش فاهماها وماتتكسفوش ممكن اعيد مره واتنين وتلاته

الله عليكي ام قسمت
فعلا محتاجين للدورة دي خاصة انو احب االتريكو جدا
الله يعطيك العافية يارب