ورشة صندوق الاكسسورات

بسم الله نبدأ








ده ورشه بسيط اوي اهم حاجه هاتي العلبه الي عيزه تعملي زيها بالكروشيه انا استعملت علبه جواهر للشوكولاته انت ممكن تستعملي العلبه الي تنسبك بس متكنش كرتون او بتبوظ من الميه طبعا العلبه ده هيكون ليها 6 اوجه (قاعده و 4 جناب و الغطه).

اعملي لكل وجه قطعه مستطيله من الكروشيه ( انا استعملت غرزه العمود و خيط صوف عادي)

و بعدين خيطي القاعده و ال 4 جناب بحيث تلبس العلبه.

هيبقه كده الشغل عباره عن قطعتين : القطعه الاولي هي القاعده و ال 4 جناب و القطعه التانيه هي الغطه.

الخطوه الجيه هي التثبيت و ده المهمه اوي

انا بثبتها بالسكر و الماء وبسيبها تنشف 3 ايام تقريبا


مقادير التثبيت:
2 كوب سكر + كوب ماء

طريقه التحضير :
يوضع السكر و الماء علي النار حتي يذوب السكر تماما ثم يرفع وننتظر حتي يبرد ثم نضع القطعتين عليه و نستنه اما يشرب منه شويه و بعدين نخرجه و نسيبه يصفي شوية تقريبا 30 دقيقه.

و بعدين نلبس القطعه الاولي الصندوق و نقلبه علي وشه علي صنيه علشان ينشف و يصفي عليها.

اما القطعه التانيه و هي الغطه نضعه علي سطح مستوي حتي ينشف.

تقريبا 3 ايام و تكون نشفت.

نفك القطعه الاولي من الصندوق هتكون صلبه و جامده زي العلبه و ايضا الغطه.

دلوقتي هنركب الغطه بالعلبه المصنوعه من الكروشيه (هنعمل زي مفصله) بخله سنان اخرمي الغطه 3 اخرام و في المقابل 3 اخرام في العلبه المصنوعه من الكروشيه و دخلي خيط في كل خرمين متقابلين و اربطي الخيط هنعمل كده في ال 3 اخرام (زي الصوره)بكده يكون الصندوق خلص




زينيه بقه بلمستك الجميله انا زينته بشريط ستان.



معلش رغيت كتير

بس لو في اي سؤال انا في الخدمه و مستنيه اشوف شطارتكوا.