السلام عليكم ورحمة الله وبركاته:

أنا حاليا أشتغل بلوفررجالى تريكو وأريد أن أحرد الرقبة الحردة المدببة أو ال 7

ووجدت فى شرح الحردات هنا فى الموقع هذا الكلام

---------------------------------------------------------------------------------------------------
__________________________________________________ ___________

أول شىء أنا فى الظهر قسمت البلوفر على ثلاثة أقسام وقفلت الثلث الأوسط
و الثلثين الآخرين قسمتهم على ثلاثة أقسام قفلتهم بالتدريج من ناحية الكتف .... فهل هذا صحيح؟؟


ثانى شىء أنا لا أفهم كيف أحرد الأمام؟
متى أبدأ الحردة للرقبة ؟... بعد أن أقفل ال 5 غرز للإبط من الناحيتين؟؟ أم ماذا ؟

هل من الممكن أن يشرح لى أحد الخطوات بصورة أكثر وضوحا؟؟

أفيدونى أفادكم الله
وجزاكم الله خيرا

ان شاء الله الاخوات يساعدوك

شوفي ياقمر
حرده السبعه
الامام - بتبتدي مع حرده الباط اوبعدها بقليل تبع الباترون
حانفرض اننا حانبدا مع حرده الباط والوجه الامامي حانبدا الشغل فيه نطرح غرز حرده الباط من الجهتين 5 - 4 - 3 - 2 - 1 بالنسبه للكبار و3 - 2 - 1 - للصغيرين ونحط علامتين علشان نحدد عدد غرز الصدر
عدد الغرز المتبقي حانحدد غرزه المنتصف ودي حاتكون بدايه الحرده
علشان نحدد اتساع الحرده محتاجين نحدد الغرز اللي حانحجزها للاكتاف ونحط علامتين كده انا عرفت عدد غرز السبعه وعدد غرز الاكتاف وعدد غرز حرده الباط
بعد كده حانحرد 5 غرز للباط ونمشي لغايه الغرزه اللي حددتها للمنتصف ونقفلها ( ولو كانوا غرزتين نقفلهم برضه)
كدة اصبح الشغل مقسم لقسمين نربط خيط في الجزء التاني من الشغل نشتغل كل قسم لوحدة وننقص الابط حسبترتيبة وننقص غرزة لحردة ال7 فى سطر ونترك سطر دون تنقيص ( ودا لو عايزين الحردة v ضيقة أو ننقص غرزتين لو كنا عايزين الv واسعة ) ونشتغل هكذا حتىنصل الى طولى حردة الرقبة والابط المطلوبين ثم نشتغل الي الارتفاع المطلوب مع التنقيص في الv حتي نصل الي اخر غرز حردة الv في الوسط ونكمل حتي نصل الي ارتفاع الكتف المطلوب ثم نقفل الاكتاف بالطريقةالمعتاد
ونشتغل الجزء الثاني زيه
بالنسبه للظهر يستحسن يتعمل من غير حرده رقبه واحردي الاكتاف عادي
ملاحظه
ان الحرده العاديه للباط 5 - 4 - 3 - 2 - 1 وخلاص يعني بعد ماتحردي للباط غرزه واحده حاتكون تهايه الحرده للباط وتطلعي عدل من غير حرده وتستمري في حرده السبعه بس

وان حرده الرقبه من جهه الرقبه بس وحرده الباط من الخارج دايما
جربي كده وقوليلي

جزاك الله كل خير يأم قسمت
ربنا ما يحرمنيش منك

ربنا ما يحرمناش من ام قسمت ولا منك يا نونا

عزيزتى أم قسمت :

معنى هذا أننى:

1- أقفل أول 5 غرز فى السطر الأول من أجل حردة الإبط
2- أقفل أول 5 غرز من السطر الثانى من أجل حردة الإبط
3- أبدأ فى حردة الرقبة أم أكمل حردة الإبط ؟؟؟
معلش ممكن توضحيلى أكثر
وهناك سؤال آخر بعد أن أقفلت اول 5 غرز من السطرين فوجئت بأن أول سطر أقفلت منه 6 وليس 5 فماذا أفعل ؟؟ هل أفك السطرين أم ماذا؟؟

وجزاك الله خيرا