السلام عليكم
انا كنتت عاوزة مساعده من اساتذه القسم فنانه مصريه وام عزيزان وكل اخواتنا فى القسم
اصل انا شفت بلوزة كروشيه فى محل وللاسف ليس لها صورة عندى
بتتلبس فوق بادى وهى بسيطه جدا
بس طبعا بالنسبه لى معضله فقلت اسالكم وتشرحولى بالتفصيييييييل خطوة خطوة
لو مفيهاش غلاسه
هى بسيطه من غير ضهر ولو وجه حتى
هى جزء امامى
الاول من فوق عامله زى البرا شويه وبتتربط بحبل على الرقبه
والجزء دة ممسكوك قى بعض بصفين تم ينزل على مثلث

اعتقد ان الشرح مش واضح
بصوا هى عباره عن قطعه تغطى الجزء الامامى
وبتتربط على الرقبه وعلى الظهر مثل المايو
وهى مثلث مقلوب ومن فوق زى ما شرحتلكم

اعتقد ان الوصفه هايله....الوصفه سهله

بصى الللى انت بتسالى عليها تقريبا دى و فيه واحده من البنات بتشرحها باسم توب الفراشه حاولى تلاقيها

اعتقد ان اللي تقصدي هو دي صوره

كمان الباترون ممكن اجيبه ليكي

ولاانت عايزه الشرح

ايوه تمااااااااام
هو يشبهه كتير
شكرا يا مروة ويا دعوة للتفاؤل
انا للاسف مش باعرف اقرا الباترون
ولسه يا دوب اتعلمت الغرز اعتبر مبتدئه
اسفه على تعبكم لكنى محتاجه الشرح

للاسف اني ماعرف اشرح الكروشيه

والفراشه عامله البلوزه واطلعت جميله جدا

ممكن تروحي لموضوعها وتساليها

شوفى حبيبتى ركزى فى الشرح كويس عشان انا متخيلاه
اولا جزء اللى زى البرا :
- تعملى سلسلة من مثلا 20 سلسلة و اكبر حسب حجم الصدر
- السطر التانى غرزة حشو على السلسلة وعند نهاية السلسلة تعملى فى اخر غرزة غرزتين حشو وتكملى من الناحية التانية من السلسلة لغاية ما توصلى لاول السلسلة
- تقلبى الشغل وترجعى تانى وعند الغرزتين اللى فى غرزة واحدة اعلمى برضه غرزتين يعنى فوق كل غرزة غرزة عشان تديكى البوز بتاع الصدر وتكملى الناحية التانية لغاية الاخر وتقلبى الشغل
- تكرر الخطوة وكل ما زم معاكى زودى من المنتصف غرزتين لغاية ما يتظبط البوز عندك وهكذا لغاية حجم الصدر المراد
تعملى طبعا واحدة تانية بنفس الخطوات وتشبكيها فى التانية ممكن بالابرة والخيط وممكن بغرزة حشو
الجزء اللى زى المثلث
- بعد ما تشبكى الصدر امشى من تحت على الخط المستقيم باى غرزة انت عايزاها
وكل دور تنقصى من الاحرف غرزة او اتنين
انا مش قادرة اوضحلك الجزء ده عشان مفيش موديل قدامى بس انا متأكدة انك حتتخيليه معايا
جربى الاول الصدر وقولى لى