بسم الله الرحمن الرحيم
السلام عليكم ورحمة الله وبركاته

صار لي شهر تقريبا وانا اريد اتعلم على الكروشيه وطريقة الشغل فيها ...

من زمان لما كنا في المدرسه علمونا غرزة السلسله وعلشاني ما اعرف غيرها ومن شفت ابداعات الاخوات في القسم قلت خل اجرب...
طبعا مع المحاولات الاولى كنت افشل باني اطلع بشي ... فشديت الهمه وقلت خل اتعلم صح ... ناديت وحده من الاهل تعرف تشتغل بعد على الخفيف بس اكثر مني ولها الفضل بصراحه ... علمتني كيف امسك الابره صح لاني كنت امسكها غلط... ولا انا الفالحه جايبه خيط صغيره وابره اصغرحجم ... على بالي اني فلته ...

المهم مع غرزة السلسله بديت شغلي ... بالاول قام الشغل ينكمش بس بعدها طلع تمام ...

وبغرزة السلسه وشوي حركات مني سويت هالمفرش... شوفو ...



...

وبعدها قلت خل اكبر الشغل ... سويت هالمفرش بس الخيوط قطعت اصابعي لانها بلاستيك وانهيته بسرعه شوفو الصوره ...



وبعدها سويت بحث في المنتديات وتوصلت لطريقه ممكن اسوي فيها ورده ... بديت بالورده وجتني فكرة الفاصل حق الكتب وشوفو كيف صار ...



ومن كثر بحثي عن شغل الكروشيه تعلمت لي كذا غرزه ... واشكر كل عضوه حطت موضوع يساعدنا في شغل الكروشيه ...

وفي اخر محاوله لي اني اسوي شنطه لبنتي افاجاها فيها بالعيد ودورت في المنتدى وكل المواضيع صورها ما تظهر شديت الهمه وسويت هالشنطه طبعا بعدها ما خلصت باقي لها اضافات نهائيه مع المسكه " السير"



اتمنى اشوف ملاحظاتكم.... طبعا شغلي شغل مبتدئه ......

واسمحو لي على الاطاله ..

ليش الصور طلعت جذيه ..

حد من المشرفات تتكرم وتعدل الصور...

ليش محد رد علي..... ياترى علشان الصور مب طالعه ...

انا رفعتهم مره ثانيه ..... وان شاء الله اشوف ردودكم ...

اهلا وسهلا بكي اختي
يعطيكي الف عافية يارب
بس الصور ما ظهروا لا بالول الموضوع ولا بالرد الثاني
واختي هاي رابط لكيفو وضع الصور
طريقة كتابة موضوع في المنتدى وإدراج صورة فيه ..خطوة خطوة مدعم بالصور
وكل عام وانتي بالف خير

مشكوره اختي سنو وايت ...

بس ماادري ليش العضوات لما يدشن وما يلاقن صور ما يردن ... كيف بعرف ان الصور ما طلعت اذا انا طالعات عندي...

المهم كل عام وانتي بخير ... ومشكوره على الطريقه انا حاولت استخدمها من الاول بس حجم الصور كبير واللحين صغرت الحجم وان شاء الله اشوف رايكم فيها ...

للاسف الصور مش ظاهرة

ماشاء اللة شغلك جميل جدا و الشنطة لذيذة جدا و عاوزين نشوف اعمالك الجديدة باذن اللة