مرحبا
كيفكم خواتي ؟ تمام؟ يا رب تكونوا بالف صحه وعافيه
اليوم راح نشرح طريقة عمل القبعه المصنوعه من القش وبالصور كمان ^_^
يلا نبداااااااااا
قبل اي شي ... القش هاد هو عباره عن خيزران رفيع واسمه المتعارف عليه( خيزران امويل)
المواد المطلوبه :
قش , دلو ماء به ماء , قطاعه , علبة دهان فرنيش , فرشاه للدهان





هذه اول خطوه بالعمل ...
1- ننقع القش بالماء لمدة 10 دقائق او 15 دقيقه مو اكتر لأنه لو زاد الوقت القش راح يصير اسود



2- نقوم بقياس طول القشه المطلوب للعمل انا اخترت 90 سم وراح اقطع 16 قشه وواحده اضافيه وهاي لعمل دعامه واكساب العدد الفردي للقشات وحبين ليش اثناء العمل



3- نوزع ال 16 قشه 8 افقي و8 عمودي بنفصلهم لاربعات وبينهم شوية فراغ كما في الصوره وهاد بيكون مركز القبعه يعني وسط القشات



4- نقوم بادخال 4 قشات كأنهم عود واحد مره من الامام ومره من الخلف متل الصوره



5- هون الجد0000 بنجيب قشه طويله منقوعه وبنبدأ عملية النسيج مره من الامام ومره من الخلف بشكل دائري



6- هون وقت اضافة الدعامه ( واللي هو عباره عن عود مثني من النص )حتى يصير العدد فردي ويبقى الشغل ماشي واحد من الامام وواحد من الخلف بدون اي اضافات جديده وبنعاملها متل العود الاساسي وبعد لف دور كامل بنوصل للدعامه وبنشتغل عليها وهون بنفصل الا 4 قشات لقسمين كل قسم عباره عن عودين معا وبنشتغل عليه



7- بهاي الطريقه بنكمل لغاية ما يصير عنا دائره تقريبا قطر 15 سم



8- لما ينتهي العود بنضيف عود آخر مكان ما انتهينا بس من الخلف عشان الزوايد ما تبان وبنراعي الشغل بنفس الترتيب وحده من الامام ووحده من الخلف





9- عند ما نوصل للقياس اللي بدنا اياه( 15سم ) بنعمل على ثني الاعواد للداخل لعمل تجويف متل الصوره



هون عملية الضغط للداخل لعمل التجويف وبنكمل لف الاعواد او العيدان


10- هيك بيصير شكلها وهاد ارتفاع مناسب حوالي 7سم



11- هلأ بنقلبها (عضهرها ) ههههههههههه وهاد لثني العيدان لبره او الخارج يعني وعلى فكره اذا جف العود بليه بشوية مي ( ماء)

[IMG]http://up.kingofevil.net/up/koe_2138390529.jpg[/IMG

الله يعطيك العافيه شغل حلو ماشاء الله

بس وين شكلها النهائي ؟؟

والا توك ما انتهيتي ترا انا سوبر مان جايه طايره لموضوعك هههههههههههههه

مرحبا
وهلأ راح نكفي شغل الطاقيه او القبعه

وصلنا لما قلبناها عضهرها العيدان نشفت او جفت فبواسطة اسفنجه مبلله بالماء بنمسح العيدان وبنرطبهم عن جديد
بنتني العيدان لبره أي للخارج علشان نعمل مظلة القبعه وبنحطها على طاوله وبنفردهم للعيدان علشان يطلع الشغل مسطح ومتسو متل ما راح نشوف بالصور

http://up.kingofevil.net/up/koe_1178387487.jpg


13-http://up.kingofevil.net/up/koe_1283059497.jpg


14- بدا الشغل يكبر فعلى نفس الوتيره بنكمل مره من فوق ومره من تحت لغاية ما نوصل للطول المناسب

http://up.kingofevil.net/up/koe_289370687.jpg

15- هاد شكل الشغل النهائي بالنسبه لسطح القبعه طبعا خلينا عيدان وطويله شوي عشان نختم بالجدله

http://up.kingofevil.net/up/koe_1033167948.jpg

16- العيدان نشفت فبللتهم بواسطة الاسفنجه

http://up.kingofevil.net/up/koe_932908964.jpg

17- علشان نعمل الجدله لهاي القبعه ببعد بين العودين مو كل اتنين سوا؟ هلاء ببعدهم عن بعض شوي
وباخد عود وبمرره من تحت اللي بعده وبرفعه لفوق على وجه القبعه متل الصوره

http://up.kingofevil.net/up/koe_1098118547.jpg

18- هون وصلنا لآخر عود بندخل العود الاخير من تحت اول قوس صغير تكون من العود الاول اللي رفعناه لفوق

http://up.kingofevil.net/up/koe_1993703615.jpg

19- العود الاخير ببدا فيه وبنزله من الفتحه الصغيره( اللي عملت تقاطع ) وبشده شوي عشان يتماسك الشغل

http://up.kingofevil.net/up/koe_1234520996.jpg

20- بنكمل تنزيل العيدان من الفتحات المتقاطعه للآخر وبنشدهم كلهم بالدور واحد ورا التاني

http://up.kingofevil.net/up/koe_1376291972.jpg

21- طبعا في زوايد من القش طويله شوي بنقصها وبنرتبها بس بحذر مو قص للآخر بنخلي 2سم تقريبا عشان ما يفلت الشغل عن بعض
http://up.kingofevil.net/up/koe_1883741916.jpg


آخر خطوتين هم دهن القبعه بالورنيش او الفرنيش اللماع اللي بلا لون بس لمعه ولما ينشف او يجف بنزينه بالورد والشرائط الاورجنزا او الستان وعلى زوقك بتنسقي

http://up.kingofevil.net/up/koe_451812781.jpg

وهاد شكل نهائي للعمل
http://up.kingofevil.net/up/koe_166086136.jpg

وهاد كمان واحد تاني والتالت بيستنى التزيين اللي صورت خطواته

http://up.kingofevil.net/up/koe_1136005767.jpg

شغله سهل جدا ويا رب اكون عرفت اوضح الطريقه مع اني خايفه اكون اخفقت بالشرح
الله يوفقكم لما يحب ويرضى ويوفقنا معكم
سلام

فكرة رائعة جدا

بس يا خسارة ما ظهرت ولا صورة عندي

ارجو منك اعادة تنزيلها عشان نستفيد

وبارك الله فيك

الله يوفقك ويديم عليك الصحه والعافيه تسلمين

فكرة رائعة جدا

تسلم إيدك الشغل رائع بس ممكن نجيب القش دة من فين ؟؟ وهل هو متوفر وسعرة معقول ؟؟؟؟؟؟
جزاك الله كل خير حبيبتي