السلام عليكم ورحمة الله

صديقتي ,
زوجها كريم واجتماعي -أكثر من اللازم- في أي لحظة قد يطرق بيته صديق وطوال النهار والليل!
بل قد يبات أصحابه في بيته ليلا !

عمله بالبيت ! (يعني جالسلها 24 ساعة ! وعلمكم جلسة الرجال بالبيت ما أحلاها !!)

والمسكينة طول اليوم وقتها ضائع بين العصائر والفواكه والقهوة والشاي ,

غير الغديات والعشيات !!

لا تجد وقت لطفليها!
ولا لنفسها!
ولا حتى لعبادتها!

وعبث تحاول تقنعه يخفف من كرمه الحاتمي!

شكتلي كثيرا ! حاولت إيجاد حلول لاقناع زوجها , وكله باء بالفشل!

الحل الوحيد أن تجد هي طرق ضيافة تخفف بها المسؤولية على نفسها!

قلت قد تجهز دلة الشاي ودلة للقهوة ,وسلة فواكه من الصباح تضعها في غرفته حيث يعمل ويستقبل زواره !

ولكن اقناع زوجها ليس سهلا ...


رجاء أعطوني أفكار أخرى متنوعة ومميزة لعلها تستطيع تنفيذها و إنقاذ عمرها الذي يضيع دون فائدة !

والله قصتها قصة!!
أنا لما يزيدها زوجي بقوله: لو سمحت اشتغل انت بضيوفك..أو بحمل حالي وبطلع عند جارتي حتى يمشوا الرجال.. وقصدي يزيدها يعني يومين وراء بعض
أولاً بما أن بيتهم لا يخلو من الضيوف، رايحين جايين، معناه لازم أنه تكون الضيافة بسيطة واللي مش عاجبة ما ييجي، أو يعمل بإيده
يعني يكفي قهوة أو شاي ومع السلامة.
ولكن إن كانوا ضيوف "مقيمين".... فعلاً أفضل شيء أنها تحضر الشاي والقهوة في الصباح الباكر في الترامس اللي ما بتبرد. وتحضر أي شيء بياخذ شغل من بكير، يعني حتى صينية الشاي والقهوة والفناجين جاهزة، لأنه كله على بعضه بياخذ وقت.
ولما تطبخ تكبر الطبخة وتشيل منها جزء وتحطه بالفريزر. كل يوم صحن واحد، وبهذا بيبقى عندها دائماً الأكل جاهز لما ييجي ضيوف على غفلة.
ومن ثم تعمل مع زوجها اتفاقية، إنه هي تقوم بواجبها نحو الضيوف في مقابل أنه يجعل لها أيام راحة ما يستقبل أحد فيهم، ما معقولة على طول ويومياً!! ما صارت عيشة!!

الله يعينها ...

انا كمان زوجي من النوع الكريم واللي بمووووووت في زيارة اصحابه .. و اذا واحد حكالهم تفضلوا عندي يا جماعة بقول ... لا و الله عندي ( لانهم كلهم عزابية ما في حد يضيفهم ) ..

كيف تأقلمت مع الوضع ؟؟ و خصوصا انه كل زياراتهم متأخرة و انا بطفي دايما الساعة 11 .. 12 ..
-العصير دايما جاهز في التلاجة و الكاسات على الصينية ( ما عليه غير يطول القنينة و يصب )
-الشاي في التيرمس
-الفواكة مغسولة في جاط كبير بس مش في التلاجة ( و ما بطلعها الا قبل ما ييجو بشوي ) و معاها صحون و سكاكين على العدد و كل واحد يحط في صحنه على ذوقه ( ما في حد غريب صارو اصحاب بيت)
- مرات بعمل كيك و بقطعه و بجهز الصحون و الشوك و بناااام
- و مرات بعمل بوشار ( بوب كورن) و بحطه بجاط كبير و برضه بنااام

الخلاصة .. انه اي شي بدها تضيفه تحضره مرة وحدة و تحتفظ فيه بالتلاجة او الفرن او الفريزر.. و الله يعيييييييييينها

الله يجزيك الخير يا أمونه ويا دندونه

هي فعلا عيشتها مش عيشه وهو الله يسامحه لا بقتنع ولا بلين !

وكل التسويات اللي كتبتيها يا إيمانو ما في منها أمل , يعني هو عامل سي السيد ,
وفعلا معجزها لصاحبتي مع إنها كانت تعجز 10 زمان ! بس كل قوي في أقوى منه <<<< ما بستغيبها بحكيلها هالحكي وبنكّت عليها لما أشبع هههههههههه

ومشكلته يا أمون ما بقتنع بضيافه على الماشي حتى للي صاروا مو ضيوف والله كإنهم مقيمين على قولة دندون! مش بحكيلك (أبو الكرم) <<<على ظهر مرته المسكينة!

بس خلص أنا بدي أعبّيها على زوجها وأقنعها تفرض هالنظام عليه , بس بعطيها أفكار إنها تطلع كل شي أنيق ومميز , ويعجبه غصب عنه.

وحتى العزايم (لإنه ما شاء الله طول نهارها طبيخ ونفيخ !المسكينة وقت تقرأ قرآن ما لاقيه !) بدي أقوللها تصير تجيب جاهز , دجاج مشوي على معجنات , وكولا , وياكلوا , والي مش عاجبه يروح ياكل في بيت أهله

والله يا دندون أنا بعمل متلك حتى مع الضيوف العاديين ,
عشان أقعد معهم ما أضل بالمطبخ
يعني لما ييجوا كله جاهز وحتى الصواني مصفوفة على المجلى وجاهزة , بس بحمل وبمشي ,

شو بدنا نعمل ! لس ما عنا بنات ننحت على ضهرهم

الحمدلله مقطوعه بالغربه و ما بعرف اللا بنتين كل واحده بيتها ابعد من التاني يعني ما بشوفهم باشهرين و الثلاث و كل وقتي بتنظيف البيت و النت.
بس مسكينه صاحبتك انا بحزن على حالي عشان بالاشهر ماحد بفوت بيتي بس الان انا مبسوطه بعد ما سمعت عن صاحبتك( مو معنى هذا اني بخيله) بس هييييييييييييك الغربه