ان شاء الله بيرجع زوجي من السفر قولوا امين ان شاء الله بيرجع بالسلامه
بدخل بصلب الموضوع
ابي افكاركم وش اعمل كيف ازين البيت وش اعمل بحالي وشو اسوي بالاطفال <<<< عاد من كثرهم طفلين بس وهم بنات
راح اوصف بيت يكن يسهل لكم
في غرفه نوم مو كبير وايد وفي سرير الاطفال لانهم ينامون معنا
بعدين غرفه مجلس الحريم ومش مهم هالغرفه صح
بعدين مطبخ وبعدين الحمام اعزكم الله
وبعدين غرفه التلفزيون وهي غرفه الجلوسنا

مدري اجاهز له الاكل او هو ياكل عند اهله كالعادة
لانه يسفر ويرجع واهله تحت ويمرر على ابوه وامه ويسلم عليهم وياكل العشاء
ودائما اعمل له الاكل ولالافي احد ياكل الا انا
اقول يمكن اجاهز الخفايف والعصيرات والحلى
يالله انتظر الافكار الحلو منكم

الله يرجعه بالسلامه ويخليه لكم ..
ممكن يالغالية تغيرين نظام غرفة الجلوس مثلا :
يعني التوزيع للجلسة العائلية واماكن الاثاث بدليهم وممن تضيفين بعض الاكسسورات للغرفة مثل بعض اشجار الزينة وبعض التحف بحيث يحس انه فيه تغيير ..
كذلك غرفتك :
اذا كانت بناتك كبار ممكن تعزلينهم في النوم في غرفة اخرى بحيث تتوسع غرفتك اكثر وممكن تضيفين ايضا بعض التغييرات في غرفتك مثل مفرش جديد الوانه مميزه توزعين شمعدانات حلوه في ارجاء الغرفة كذلك ممكن تضعين باقة من الورود الحقيقية المميزة بألوانها او اي اضافات اخرى ...

اتمنى يكون هذا المطلوب ومااكون فهمت غلط
وشوفي هذا الرابط ان شاء الله راح يفيدك :
** جددي وفاجئي زوجك بعشاء وافكار رومانسية **

الف شكرا لك على الرد وان شاء الله اقدر اسوي شئ حلو ومميزة

اولا الله يرده لك بالسلامه ويخليه لكم ويخليكم له
ثانيا حبيبتي اكيد هو بيكون مشتاق لكم واجد خصوصا انتي
علشان كذا اعملي حسابك ان البنات يسلمو عليه ويروحوا يناموا......... بعدين خذيه على المفاجأة الي انتي محظرتها له وهي...
استقباله في مجلس الحريم مع تغيير الديكورات فيه يعني غيري في الشكل التقليدي..
وطبعا تكوني مجهزة العصير المفضل له وقاتوه....
واهم شي كثري من الشموع الي اشكالها حلوة وغريبة..
وووووووو
وووووووو
انا اشوف انه ماراح يطالع في كل الاشياء الي راح تسويها الا ممكن اليوم الثاني او اذا نبهتيه تدري ليش????


لانه اكيد راح تكون عينه مغسية


من شوفتك..... لانك اكيييييييييييد واحشته

كلامك حلو يامجموعة انسان الاقوليلي انت ام ايش مو عارفة اقولك مجموعة انسان .
وعزيزتي طوق بناتك في الغرفة معاك ماينفعش خالص طلعيهم احسن .

الله يرجعه بالسلامه ان شالله....

خليه اول شي يسلم على اهله ..وعلى عيالج...طبعا عيالج يكونون مرتبين ومتلبسين ومتعطرين....

بعدين يطلع فوق...غرفته..يلقى المفاجأه...

تكونين معلقه له بوسترات..(لوحه...مزينه..) اللي تكون للطلاب تلقينها في المكتبات...وتكتبين فيها ابيات شعر او كلام حلو....او ممكن تستبدلين اللوحه بورق شفاف..اللي يلفون فيه الهدايا..(السولفان) وتكتبين عليه عبارات حلوه...بحيث بعد ما تعلقينه بيبين كأنك كتبتي الكلمات هذي على الجدار نفسه...


طبعا لا تنسين اضاءة الشموع..وفرش السرير يكون جديد...وكذلك الله يكرمك الحمام...تجهزينه..بنفس الطريقه...وممكن تشترين ورود صناعيه...وتنثرينها على البانيو..او ورود مجففه...مع الرغوه..والصابون المعطر....

اما انتي...
يكون شكلج جديد تمام..مثل ما يقلبون المطربات اشكالهم بلوك جديد...انتي بعد...شدي حيلج ودوري لك على لوك جديد...يجنن زوجك فيك...
مثل قصه جديده..مع عدسات وميك اب مرتب....
والتجهيزات الثانيه....

ممكن قبل ما ياخذ الدوش...تعملين له مساج بزيوت عطريه...بهدف الراحه والاسترخاء...بعدها ياخذ دوش الهنا...

ان شالله تكون افكاري عاجبتك...

حبيبتي انا توني قرأت ردك انهم صغار..
اجل ما عليك... بس انتي صحيهم بدري واتعبيهم باللعب... وهم لما يناموا ماراح يصحولك الا الصباح انشاء الله...