السلام عليكم ورحمة الله:
مين فيكم تذكر موضوع الأخت العزيزه المها عن الأستنسل...والرسم على الحائط...
اذاكنتم تذكرون تمام .....لأني عملت تجربه بنفسي وطلع رهيب....بصراحه.
واللي حابه تسأل عن عملي هذا ولها اهتمام بالأشغال الفنيه انا على استعداد حتى افيدها بتجربتي..
ولا انسى اوجه الشكر والتحيه لأختي العزيزه المها....
وتقبلوا تحياتي...انفال

الله عليك اصبحت خبيرة استنسل لذلك لو تكرمتي فيه اسئلة من إحدى الزائرات :


بخصوص :1-الوان الاستنسل اذا حصل خطأ اثناء الرسم كيف اصحح الخطأ؟
2-اذا اردت ازالة الرسمة من على الجدار مثلا .كيف؟
3-اذا ازلتها هل يتأثر لون الجدار؟
4-اذا اردت طباعتها على ستارة الحمام(عزكم الله)هل يزول اللون بتاثير
وجزاك الله كل خير

ماشاء الله تبارك الله عليك ياانفال
اكيد يالغاليه نحب نعرف كيف سويتيه واذا كان فيه مصاعب واجهتك والالوان ونوعية التصميم اللي استخدمتيه ولأي غرفة يعني غرفة طفل او مدخل او غرفة الجلوس وجزاك الله خير ..
عاد اتوقع ان الأستنسل رائع خاصه لغرف الأطفال .....

مبارك عليك
حبيت اسأل اذا كانت الألوان خفيفة ولا ثقيلة يعني تتسرب من تحت ورقة الرسم ولا لأ
وايش نوع البوية ( الدهان ) اللي على جدار الغرفة هل هي بوية زيتي تلمع او مطفي

وشكرا

يا هلا باختي الغاليه اسيرة الغربه...
في البدايه احب اقول انا ماني خبيره ولاشئ
لكن عندي خلفيه بسيطه عن الطباعه بالإستنسل لأني اشتغلت في المدرسه على غرفه الإستراحه كامله انا وزميلاتي وطلعت رهيبه وهذه كانت اول مره اشتغل فيها استنسل..
تخيلي كنا نطبع من علبة بويه زيتي يعني ماكانت الوان الإستنسل..وكنا نطبع من خلال رسمه على شفافيه فرغناها بالكتر..وكانت على شكل ورقة شجر...وكنا نضع بالفرشاة من الصبغ على قطع من الإسفنج معنا كنا نطبع بها على الرسمه المفرغه واللى فرغناها بالأساس...يعني لا أدوات استنسل ولا غيره وكانت كلها اجتهادات شخصيه...احم احم..
نسيت اقول اننا رسمنا خط مستقيم بالرصاص في منتصف الحائط علشان نمشي عليه بالضبط..
وبعد ان انتهينا مسحناه...هذه الحقيقه التجربه كانت من سنه ونص وزياده...لكن كل من شافها
اعجب فيها جدا الى درجة ان مديرة المدرسه استغربت من عملنا واثنت عليه..(ما كانت مصدقه انا حنا سويناه)..
بالنسبه لتجربتي في بيتي راح اقولها لكن بعد ما ارد على اسألتك...
بالنسبه لإزالة الرسمه من الجدار في حال الخطأ اعتقد انها لابد ان تكون في الحال اذا استخدمتي الألوان الزيتيه اتوقع ان يساعد في اخفائها التربنتين قبل ان تنشف.....ولكن حاولي انك تجربي الرسمه وتتمرنين عليها حتى تكوني حريصه وماتغلطين(انا لم استخدم الوان الأستنسل ابدا في التجربتين اللي قمت فيهم) وبعدين الرسم بالإستنسل ممكن تطبعين حتى على سلة المهملات والخزائن...والطباعه على ستارة الحمام ممكنه ايضا...وانصحك باستخدام الألوان الزيتيه تعطي نتيجه حلوه واضحه وقويه...اتمنى انكم فا همين علي لأني يمكن اطوف بعض التفصيلات
وانا مستعده للرد بالتفصيل اذا حبيتو...

بالنسبه للألوان التي استخدمتها في البيت كانت الوان عاديه في علب عصار طبعا سائله
وكنت انا بالأساس رايحه اشتري الوان خاصه بالأستنسل وقالت البائعه انها تجي بعد اسبوع
لكن انا ما كان فيني صبر وشريت هذه الألوان وهي علب صغيره مكتوب عليها لجميع الإستعمالات في المنزل..واخذتها علشان اجربها وشريت معاها قطع طباعه جاهزه يعني عباره عن قطعة من الإسفنج على شكل ورده او شكل توت او شكل نجمه اوشكل هلال...وهذه الأشكال هي اللي شريتها وغيرها كثير واحجامها مختلفه...وهذه الإسفنجه مثبته على قطعه من البلاستيك لها مسكه تمسكينها اثناء الطباعه....وهذه النوعيه من الأشكال سهلت علي كثير العمل
بحيث اني اضع اللون بفرشاة الرسم وامسح على الرسمه يعني مثلا الورده تكون باللون الوردي
وساقها باللون الأخضر...وطوالي اطبع على الجدار...وطبعا كل لون له فرشاته...(يا رب انشاء الله فاهمين) اسمحولي اذا التعبير اوترتيب الأفكار ملخبط....
والرسمه اللي سويتها عباره عن مجموعه من التوت وطالع منها غصون اشجار بورقها والرسمه عملتها على الجدار اللي في مدخل المطبخ (ليس السيراميك)...التوت بواسطة الطباعه واغصان الشجر رسمتها بالرصاص يعني اغصان شجر متمايله تدخل في وسط التوت المطبوع مسبقا..ولون الأغصان اخضر ومدخله معاه الأصفر....طلع رهيييب..ياليتكم يا بنات تشوفونه
و لونت صندوق مفاتيح الكهرباء باللونين الأخضر والأصفر المدمجين ....
والتجربه هذه عملتها من كم يوم علشان اجرب قدراتي قبل ما انتقل لبيتنا الجديد انشاء الله واللي راح اطلع مواهبي يعني قلت اجرب قبل ما حوس حوس في غرف اولادي...
والله تعبت من الكتابه اختي العزيزه المستعجله اذا في شئ موواضح اسألي ولا يردك الا كي بوردك...

تسلمي يا انفال ..
ما شاء الله عليك جربتي الرسم بالاستنسل ..
مبروووووك والف مبرووك على نجاح تجربتك ..