بسم الله الرحمن الرحيم

إذا كان عندكم مشط من النوع إللي يكون لاصق عليه من الخلف مرايه و راحت مدة إستخدامها ، يعني خلاص خربت ... فأعطيكم هذه الفكره علشان تستفيدون منها ..
خوذوا هذا المشط و شيلوا الأسنان الخاصه بالمشط كله يعني القطعة الخاصه بالمشط شيلوها ويبقى عندكم المرايه من الخلف بس ..
من الخلف عند المرايه لصقوا حوالين المرايه كلها ورود مجففه أو ورود صناعيه بالحجم إللي تحبون .. لكن راعوا إنكم ما تغطون المرايه خلوها ظاهره ، و بعدين روحوا المطبخ علقوا هذا المشط المزين بالورود بواسطة مسمار من جهة مسكة اليد لكن تعليق ثابت جداً علشان ما يطيح بعدين ، وثم لصقوا عليها من جهة مسكة اليد بعد مسامير خاصه بتعليق الأشياء (( يشبه في شكله المعلاقه حقت الملابس ..)) مثلاً ثنتين تكفي .. و لو كان لون المشط مهوب حلو ممكن تلونون المشط بألوان حلوه وهذه الفكره تصلح للمشط إللي من النوع الخشبي ..علشان يكون سهل بتثبيته بالمسمار ...
و بعدها ممكن تستخدموها في تعليق مريلة المطبخ عليها أو عند المغاسل لتعليق الفوط لليد ...
وبس ..!

و لكم تحياتي .

زوزو
مشكورة على الفكرة الله يسلم ها الراس اللي يفكر زين
وانا بعد عندي فكرة وحلوة وبعد سريتها وهي:
فيه بعض انواع الفرش للإستحمام وخشبيه لها يد طويله قليلا مثل العصى بعد ماتخترب عليك هذة الفرشه لاترمي اليد الخشبيه احتفظي بها زين واعملي عليها عمل فني من كيس الخيش ممكن تعملينه على شكل فينكه وتنشّلينه من الاطراف حتى يكون له مثل الاهداب شكل حلو وممكن تضعين عليها اكسسوارات او خرز او اشرطه اللي تبين والشكل اللي يعجبك هذا فوق على الراس اما تحت عند اليد او عند المسكه تاخذين ورد مجفف او عادي صناعي وتلصقيه مع شريط ستااان على شكل وردة .
وسلامتك ...........هاه استوعبتي الفكرة او لا

تحياتي

هلا زوزو والله فكرة حلوة وكانت الامشاط تترمي من قبل