مرحبا..............
انا ابني عمره سنه و8 شهور
بواجه مشكله معاه ...:
عنيد كتيييير وبيضل يعيط تياخد الي بدو اياه بيعيطط وبيعصب بشكل مش طبيعي
لدرجه ممكن يخبط راسه بالحيطه"الجدار" ادا ما رديت عليه
وفعلا اخر شي من كتر مابيزن بياخد الي بدو اياه

شي تاني بيحب يكتشف كتير او يخرب كتير لازم الجوارير كل يوم ينفلهم هيك اتعود من هو صغير كنت اخليه احكي حرام خليه يتسلى
بس فعلا هلأ صار يغلبني مايخلي اشي على حاله\
بعصب منه كتير بحكي معاه هدا خطأ وما بيصير مابينفع بضربه على ايده برضه مابينفع بطلع عليه بعصبيه برضه مابينفع واخرشيييييييييييييي بطلت اعمله ولا اشي اجي الاقي الغرفه مقلوبه ارجع ارتب بدون ما احكي معاه حرف برضه من غير فايده
هو بيفهم وعارف انه خطأ مرات بيخليني اصلي وبيطلع علي ويبلش ينفل بسرعه بسرعه
ولما اشوفه بيحكيلي ددد وامرات بيضرب حاله كف وهدا اكتر شي بستغربه منه مع اني ما بضربه على وجهه
فمش عارفه كيف اتصرف معاه

وفي كمان شغله أد ماهو شاطر قدامنا بس قدام الصغار الي بسنه تقريبا لأ بياخدو منه كل اشي حتى هو الي بيجبلهم ألعابه اخر شي بيصير يعيط وبيجيني انه مثلا اخد قلمه او كرسيه وهكدا ... مع العلم انه اجتماعي وبيحب كتير يلعب مع الصغار ...
هل هدا الشي طبيعي ام لا وكيف ممكن اتصرف معاه..


ياريت تحكولي يا صاحبات الخبره...........
وسامحوني طولت عليكم

نصيحه اقراي عليه المعوذات وامسحي عليه ان شاء الله بتشوفي الفرق انا مجربه اهم شي الصبر

مشكوره ام المسافرين

وين الباقي أفيدوني بخبراتكم؟؟؟؟؟؟؟؟؟؟؟؟؟؟؟؟؟؟؟

اختي تصرفات ابنك طبيعيه انا ماجربت لانو عندي بنات وبقولو البنت اهدى من الاولد اما اختي ابنها عمره قريب من عمر ابنك مجنهها زي مابتحكي انت بالزبط هلا لما اشتغلت ودته على الحضانه وبتقول كتير تغير صار يفرغ طاقته بالحضانه ههه ربي يصبرك ويعينك هي صعبه لاني بشوف اختي مع ابنها واسم الله عليه بيعرف يفك مقابض الخزانه مابيعجز عن شئ
اصبري اختي مابايدك اللى الصبر وبس يكبر شوي ابعتيه على حضانه كويسه وهيك بيلتهي مع الاولاد

بعين الله ............

وين الباقي توقعت اتفيدوني كتيييييييييييييييييييييييييييييير

اولا انت السبب في ذلك لانك عودتيه على هذه الامور..ومع ذلك الحل بيديك.
-اذا تصرف تصرفا خاطئا لا تحاكيه وقولي له ماما مخاصماك..واتركيه حتى لو غضب وبكى لا تذهبي اليه اذا علم انك غير مهتمة سيسكت...والله هذا ما افعله مع ابني فيظل جالسا ولا اتحدث معه حتى ياتي الي ويقول سامحيني ماما وعلى الفور اقول انا مسامحاك.
-بالنسبة للفوضى كان ابني كذلك ومرة ضربته على يديه حين اخذ احمر الشفاه ووضعه على وجهه فقلت له ..عيب هذا يخص ماما.الان هو يعرف اغراضي واغراضه واغراض والده ولا يقترب منها
-بخصوص الصلاة ليس هناك مشكل فالرسول صلى الله عليه وسلم كان يصلي والحسن والحسين في حجره
-هذا هو العمر الذي تتحكمين في تربيته اذا فات فقد فلتت منك زمام الامور.حتى لو بكى والله لا اعطيه تلك الاشياء التي يريدها ان كانت مضرة.واتركه حتى يهدا لوحده...لانه ان عرف ان البكاء هو سبيله الوحيد لنيل غرضه فلن يسكت وستصبح عادة.جارتي لديه هذا المشكل
-بالنسبة للغرفة امنعه من تخريبها لكني اخصص له بعض الوقت فالعب معه واقوم بضربه بالوسائد ونقلبها راسا على عقب وفي غرفة النوم اسمح له بالقفز على السرير لانه يحبه كثيرا.وعندما ينتهي الوقت اقول له انتهينا علينا ان نرتب الغرفة قبل ان يدخل بابا ويساعدني.والله العظيم هذا هو تعاملي مع ابني ذو العامين و9 اشهر.رغم اني اجد معه بعض الصعوبة حينما يكون والده حاضرا لانه يدافع عنه كثيرا