الحقووووووووووووووووووووووووووووووووووني مؤمن راح الحضانة

ماليش دعوة انا عايزة ابني

اليكم اليوم من أوله

انا أخدت مؤمن بتاكسي و رحنا علي الحضانة و طبعا من مبارح بالليل و احنا قاعدين نرقص و نسقف و فرحانين بالحضانة لأن الحضانة عند مؤمن هي المراجيح
هههههههههههههههههه
المهم رحنا و طبعا مؤمن ابني هو أحلي عيل في الحضانة

( علي رأي ماما خنفسة شافت بنتها علي الحيط قالت ايه ده لولية مربوطة في خيط؟)
هههههههههههههههههههههههههههههههههه
المهم
دخلت معاه و ركبته المراجيح و ابتديت مهمتي في السؤال عن المس بتاعة البيبي كلاس ليه؟
عشان أعلمها شغلها هههههههههههههههههههههههههههه
المهم الناس بتيجي تجيب ولادها و تمشي و انا قاعدة مع مؤمن ابني أصوره فيديو بالموبايل و امرجحه و أصالح الولاد اللي بيعيطوا انا و مؤمن
لما شوية و كانوا هيشغلوني معاهم
و كل الناس روحت و سابت ولادها و انا موجودة أسيب ابني و امشي بسهولة كده؟

المهم كل اللي رايح و اللي جاي يقول لي يا مدام اتفضلي حضرتك و ماتخافيش عليه هو في عينينا
بس بيكلموا مين؟
أخيرا شرفت المس بتاعة البيبي كلاس
و قعدت بقي أقولها مؤمن لما يحب يروح التواليت يقول بوتي
طبعا فتحت بقها و عينيها و استغربت و قالت لي : بوتي؟
قلت لها ايوة (أهلا دي مش عارفة يعني ايه بوتي باين مؤمن اللي هيعلمهم)
قلت لها بوتي يعني قصرية بس بالانجليزي
قالت زي أم العريف : ايوة ايوة انا عارفة
المهم قلت لها هو كل حاجاته معاه في الشنطة السندويتشات و الكوباية و المناديل و العصير
قالت حاضر ( و طبعا عايزة تولع فيا لأن هما اللي قايلين لي اجيب معاه ايه مش فتاكة يعني و لا اختراع)
قلت لها خليه يفطر معاهم هو مش بياكل خالص قالت طيب

اخيرا لجأوا لمديرة الحضانة عشان تطردني هي
لقيتها جات و عرفتني بنفسها
و قالت لي اتفضلي حضرتك و ماتخافيش عليه هو في عينينا قلت لها هيعيط لما أمشي قالت ماتقلقيش احنا متوقعين ده طبعا و لينا اساليبنا و ما تخافيش
قلت لها طيب الباص هيجيبه؟(مع ان انا عارفة الكلام ده و دفعت مصاريف الباص من شهر)
قلت لها طيب هو عارف البيت؟
قالت وهي هتتشل ايوة معاه العنوان (للعلم انا اتعرفت علي سائق الباص يوم ما كنت باقدم و عرفته علي مؤمن و عرفته البيت و طلع عارفه لأن فيه في عمارتنا ناس في الحضانة دي)
بس ابني يا ناس
ههههههههههههههههههههههههههه
قالت ايوة
المهم شوية و كانت هترميني في الشارع قالت لي اتفضلي بقي عشان ندخله الكلاس مع زمايله
المهم انقذتها مني و مشيت

بس ايه وقفت برة شوية علي الباب عشان أسمع هيعيط و الا لأ عشان لو عيط أدخل أجيبه بس قلت لنفسي كده هتضريه مش هتنفعيه فمشيت جري عشان مش أسمع صوته لو عيط

اتصلت بحسام في شغله في دمياط
رد عليا : ايوة يا عبير
قلت له : ماليش دعوة انا عايزة ابني تعالي هاته مش عايزة أوديه حضانات
و طبعا رد عليا بكل رقة و تفهم للوضع : هو ده وقته يا عبير اقفلي و هأبقي أكلمك تاني مش فاضي باي

كلمت ماما لقيتها يا حبيبتي بتعيط عشان مؤمن صعبان عليها قلت حلو عيطت معاها شوية علي الموبايل و قفلت و جيت علي البيت أحكي لكم

أما بالنسبة للأستاذ مؤمن بقي
هو طلع جذاب زي ابوه
البنات اتلمت عليه و بقي راكب في المرجيحة و معاه 3 بنات بيتاشكلوا مين يقعد جنبه هههههههههههههههههههههه وهو بقي يتأمر علي دي و يشخط في دي بلغته الروسية الجميلة
و مشيت وهو في المرجيحة مع البنات

ماليش دعوة انا عايزة ابني

ههههههههههههههههههههههههههه
سكرة و الله
ربنا يخلي لك مؤمن شكله امور قوي من حكيك عنه

بس ايه الدلع ده يا ختي اجمدي امال لما يجوز و يروح مع مراته هتعملي ايه ههههههههههههههههه

ربنا يحفطهولك و يطلع زي ما انتي عايزة يارب

جمدى قلبك يا عبير انت وديتيه حضانه ايه ؟

ربنا يخليهولك

ماشاء الله كل ده علشان الاستاذ راح الحضانة عموما كلنا بنبقي قلقنين عليهم علشان ده اول مرة يبعدوا عننا بس الحمد لله ان في الحضانات في الغالب بيعرفوا يتعاملوا ازاي مع ال اولاد
واعتقد والله اعلم ان غالب الاطفال العاديين بيندمجوا بسهولة لما يلاقوا اطفال في مثل سنهم والغاب وجو جديد واللي دائما بيبكي ولا يندمج في الاساس بيبقي من الام لانها مش معوده على الاندماج من الاول يجب ان نجمد قلبنا شوية
ربناييسر انا كمان وانا في مصر دخلت ابني حضانة وكان مبسوط اوي والحمد لله ولا عيط ولا اي حاجة لانه بيحب الاطفال والظاهر الحبسة بتعتنا هنا خليته نفس يشوف اي حد
لدرجة ان المدرسة في الحضانة اكدت علي اجي اخده بدري واسيب تليفوني لو بكي ولا حاجة وبلاش اول يوم اسيبه لاخر الوقت كفاية ساعتين بس الحمد لله هو ماشاء الله تبارك الله ولا فرق معه المهم عنده حد يلعب معه وخلاص ربنا يهديه ويستمر على كده لاننا رجعنا تاني للحبسة في لابيت والعام القادم بقي حدخل مدرسة بجد ربنا يهديه ويفضل راجل كده على طول دعواتكم

ههههههههههههههههه
هههههههههههههههههههه
ههههههههههههههههههههه
موتيني ضحك الله يسعدك يارب
فعلا هذا أول يوم حضانة ليكي انت مو لمؤمن ههههههههههه
والله ياعبير الله يكون في عونك

لو سمحت لاتنسي تحكيلنا تفاصيل العودة من الحضانة وايش رأي مؤمن فيها
بعدين تعاااااااااااااااااااااالي هنا
خير ان شاء الله ياحبيبتي.. ثلاث بنات مرة واحدة ملمومين على مؤمن!!!!!!!!!
ياخرابي
وتلتولة تروح فين؟!!!
خلاص نفسخ الخطوبة من أولها..أنا بنتي ياعيوني غيوووووورة جدا.. طالعة لأمها
هههههههههههه