السلام عليكم
كيف حالكم جميعا

انا عندي مشكلتين مع بنتي وحابه اسألكم لو حد يفيدني

المشكله الاول

بنتي عمرها 4 سنوات انا مصريه اعيش بالامارات بنتي كانت في كي جي 1 وكانت ترفض تدخل الحمام بالمدرسه لحد ما تروح الي البيت كانت بتصر انها تدخل الحمام في البيت بعد ما خلصت التيرم واخدت الاجازه بدأت تطلب الحمام بطريقه غريبه كل نص ساعه او اقل بس باليل مش دايما بتصي ولو صحيت بتصحي مره او مرتين بالكتير نزلت اجازه في مصر وعملتلها تحليل طع عندها urate++ الدكتور قالي عادي معظم الاطفال عندهم وفيه رأي تاني انها عشان كانت مش بترضي تدخل الحمام فتره طويله دا اللي عملها كدا انا مش عارفه بس انا عاوزه اعرف دا طبيعي ولا لا لاني زهقت من اني ادخلها الحمام كل نص ساعه ياريت تفيدوني



المشكله الثانيه

بنتي كانت دايما بيجلها برد وكحه كل ما تخرج او تروح المدرسه فكنت بوديها لدكاتره بالامارات الدكتور يديها مضاد ودوا كحه (برونكوفين)دا احسن دوا كانت بترتاح عليه والدكتور يقولي بنتك كويسه وهتخف ومش تخافي المشكله ان الموضوع دا اتكرر معاها كتير علي مدار العام الدراسي كل ما تخف ترجع تكح تاني وكانت كحه ببلغم المهم لما نزلت مصر وديتها لدكتوره صدر اعطتها ادويه طارده للبلغم ودوا موسع للشعب ومضاد حيوي والمفروض انها كانت تتحسن بس انا بعد ما اخدت الادويه عملتهلها تحليل دم وكانت نتجته سليمه والحمد لله وبعد كدا وديتها لدكتور اطفال اداها دوا اسمه زيلون فيه كورتيزون وقالي ان بتنتك عندها حساسيه بس مش تمنع الاكل اللي بيسبب الحساسيه قالي خدي بالك لو تعبت من حاجه معينه او كحت امنعيها عنها واداها فوار للحساسيه وقالي استمر عليها مده من 3 شهور اللي 6 شهور انا مش عارفه كدا الموضوع ماشي سليم ولا المفروض اعمل حاجه تانيه لاني برضه احس صدرها مش عاجبني بس الدكتور لما مشيت علي الدوا اللي فيه كورتيزون قالي انها اتحسنت كتير بس حاليا محتاجه دوا الحساسيه اللي هوه عباره عن فوار بتاخده باليل ياريت تفيدوني واسفه علي الاطاله

مشكوره للرد ام سيف

شكرا للرد

سلام عليكم حبيبتى
أنا كمان وحياتك عندى المشكلة التانية وابنى كمان لحد دلوقت أهو داخل أولى إبتدائى بس رافض تماما دخول الحمام فى المدرسة وعموما برا البيت بس موضوع الكحة دا معاناة خاصة فى المدرسة ولما نزلت مصر الدكتور بتاعة قالى دا عادى من تغير الجو كل شوية من حر لتكييف أنتى عارفة الجو هنا كدة وولادنا مناعتهم ضعيفة جدا أهتمى بمناعتها أنا الدكتور نصحنى باثوم فى الأكل دايما بخفية عشان لو أكتشفو مش حياكل خالص والفواكه الملونة يعنى الأحمر منها مفيد جدا
ربنا يباركلك فيها