السلام عليكم و رحمة الله و بركاته

ازيكم يا غاليات ركن الأمومة وحشتوني

زي ما انتم متعودينمني اني أدخل اتعبكم معايا بأسئلتي
بس بجد لما بألاقي نفسي مش عارفة اتصرف مش بالاقي غيركم

بصوا بقي المشكلة بتاعتي

مؤمن حبيب قلبي دلوقتي عنده 3 سنوات و 7 شهور
بدأ في سن اللعب داخل البيت
المشكلة بقي اني انا كنت بنت وحيدة و مش عندي اخوات لا بنات و لا ولاد
و كل اللعب اللي اعرفه بناتي

يعني انا كنت بألعب بيوت مع ماما يعني اجيب العرايس بتاعتي و اعمل ماما و اعمل ركن في الأودة بتاعتي انها بيتي و ماما تيجي تزورني و كده
و لما كبرت شوية كان التلوين و القراءة هما لعبي او الألعاب الورقية زي الكوتشينة و السلم و التعبان و بنك الحظ و الاتاري و الحاجات دي

انا بقي مش عارفة الاولاد بيلعبوا ايه؟
مش عارفة اعلم مؤمن يلعب ايه؟
و مش عارفة العب معاه
و بدأ هو يلعب لعب بناتي
يعني يعمل خارج و يلبس شبشبي و ييجي يخبط و يدخل و يقول كنت في الشغل مع بابا
الالعاب علي الكمبيوتر
بيلعب الالعاب بتاعتي
و انا بألعب العاب عبيطة و بناتي خالص يعني كوافير مثلا او مطعم او السمكة
يعني حاجات بسيطة و هو اتعلمها و بيلعبها معايا
مش عارفة اعمل ايه؟
دلوني هل ده صح ؟
هل فيه العاب معينة الاولاد بتحب تلعبها في السن ده؟
انا بألعب معاه كورة أحيانا بس مش كتير خاصة بعد مزونة ما شرفني
في انتظار خبراتكم
و ممنوع حد يضحك عليا
سلام

اهلا بيرو اخبارك ايه واخبار مازن ومؤمن؟
بصي انا كمان بحتار في الموضوع ده
لكن باخليه يعمل رياضه حتى يفرغ طاقته بدون تخريب
اخليه يجري ورايا او نتسابق ويتشقلب ويعمل عجلة
وانا طبعا اصفق له
وممكن اتركه مع العابه(البازل والميكانو اوطيارات وعربيات)
كمان بعد مايكون فرغ طاقته ممكن يلون او يرسم ويشخبط
وبيحب يلعب بالصلصال جدا بالعب معاه
وطبعا احيانا لو مشغولة عنه شويه يقعد يرمي المخدات على الارض
ويطلع فوق باباه ويلعب معاه بوكس
لكن لازم بعد ما يخلص لازم يرتب المكان على الاقل مرة واحدة قبل النوم
وللاسف باباه بيلعب معاه بعنف ويرد عليه
لكن باسكت عشان في النهاية مافيش خساير وسيف مبسوط وهما اولاد فاهمين بعض
فعلا انا بعاني من العنف في اللعب خاصة اذا قابل اولاد خالته
بجد بحس انه بيستمتعوا بضرب بعض وان ده لعبهم
وبيكونوا فرحانين جدا وبحاول اشغلهم بس احيانا باسيبهم بحريتهم طالما مش بيأذوا بعض
طبعا انا مستنيه افكار جديدة معاكي يا قمر
سلميلي على مازن ومؤمن

تسلمووووووووووووووو يا بنات علي الردود
معلش اتأخرت عليكم عشان جهازي كان بايظ

مؤمن بيحب العربيات جداااااااااااااا و عندنا اسطول عريبات من كل نوع بس انا مش بأعرف العب معاه بيهم هو بيقعد يمشيهم و خلاص و كمان عنده الكورة اللي بينط عليها دي بقعد ينط و بالعب معاه بالكورة صح و جبت له الوان مية حلوة اوي لتبسط اوي عشان هيعك بقي هههههههههههههههههههههههههههههههههههههههههههه
هأجيب له بقي الحيوانات زي ما قلتم
انا جايبة له صور للحيوانات و الطيور و معرفاه اسمائهم بالصور
و كمان باب بحب القرااااااااااااااءة جدا عشان كده جايبة له قصص مصورة و اقعد احكي له وهو بيستمتع جدا
حلو كده؟
و الالعاب علي الكمبيوتر لقيت موقع العاب هو بيدخل عليه و يلعب بقي سباق العربيات
و بالنسبة للضرب بدأ يتعلم و يمارس علي مازن ههههههههههههههههههههههههههه و فعلا الاولاد لعبهم اغلبه ضرب

أحاول ألعب مع ابني بس مجرد مايتقل العيار شوية ويبدأ بالضرررررب والدفاشة أبطل ألعب معاه
بس أحاول ألعب معاه بألعاب التركيب أو الكمبيوتر أوأجلس معاه وأحكيله حكايات .....

شكرا لكل الاخوات اللي أفادونا بنصائحهم وربنا يحفظ فلذات أكبادنا ..